खिमराज चालिसे, चन्डिगढ ।
चन्डिगढमा मूल प्रवाह अखिल भारत नेपाली एकता समाजको प्रगतिशील देउसीभैलो कार्यक्रम उद्घाटन भएको छ ।
दुई टिममध्ये टिम बीको उद्घाटन केन्द्रीय सचिवालय सदस्य दिनेश खड्काले अक्टोबर २०, २०२५ का दिन गर्नुभएको थियो ।
कार्यक्रममा केन्द्रीय सदस्य खिमराज चालिसे, क्षेत्रीय संयोजक जुना भण्डारी चालिसे, समता विभागका लीला विक, दिनेश विक, महिला सुदूर पश्चिमोत्तर क्षेत्रिय सदस्य सीमा खड्का, विष्णु अर्याल र लक्ष्मी अधिकारी, विद्यार्थी क्षेत्रीय सदस्य सुरज चालिसेलगायतको आतिथ्य रहेको थियो ।
उद्घाटन कार्यक्रम थमन थापाको अध्यक्षता तथा थानेश्वर पाण्डेको सञ्चालन तथा बिनु नेपालीको स्वागत मन्तव्यसँगै अघि बढेको थियो ।
त्यसैगरी टिम एको उद्घाटन क्षेत्रीय समितिका सहसचिव तेजबहादुर रोकाले गर्नुभएको थियो ।
कार्यक्रममा नगर उपाध्यक्ष प्रेम गुरुङ, विद्यार्थी केन्द्रीय सदस्य नारायण आचार्य, महिला नगर संयोजक जमुना खनाल, समता विभागका रामबहादुर नेपाली, सांस्कृतिक विभागका सन्दीप विक, बाल विभागका साहिललगायतको आतिथ्य रहेको थियो ।
राम पन्थीको सञ्चालन तथा मानबहादुर केसीको अध्यक्षतामा सम्पन्न सो कार्यक्रममा उपस्थित जनसमुदायलाई मन्जु विकले स्वागत गर्नुभएको हो ।
दुबै टिमले भाइटिकासम्म प्रगतिशील देउसीभैलो सञ्चालन गर्ने केन्द्रीय सदस्य दिनेश खडकाले बताउनुभयो ।
