लोकेन्द्र पौडेल, पाण्डेचरी ।
पान्डिचेरीमा मूल प्रवाह अखिल भारत नेपाली एकता समाजले प्रगतिशील देउसीभैलो कार्यक्रम सम्पन्न गरेको छ ।
अक्टोबर २०, २०२५ का दिन सम्पन्न सो कार्यक्रमको प्रमुख अतिथि केन्द्रीय उपाध्यक्ष जनकराज पौडेल हुनुहुन्थ्यो ।
कार्यक्रमको उद्घाटन गर्दै प्रमुख अतिथि पौडेलले भारतस्थित प्रवासी नेपाली जो जहाँ र जसरी रहेको भएता पनि मूल प्रवाहको झन्डामुनि आबद्व भएर आफ्नो हक र अधिकारका लागि लड्नुपर्ने आवश्यकतामा जोड दिनुभयो ।
विशिष्ट अतिथि केन्द्रीय कोषाध्यक्ष चन्द्रकान्त शर्मा रहनुभएको सो कार्यक्रममा केन्द्रीय सदस्य काशिराम शर्मा, दक्षिण भारत क्षेत्रीय कोषाध्यक्ष लोकेन्द्र पौडेल, महिला विभागकी विष्णु शर्मा, सितदम्बरम नगर समितिका गोकुल गायक, राष्ट्रिय जनमोर्चा कास्कीका सदस्य प्रेम गायक, समता विभागका विनोद गायक र सुदूरपश्चिम क्षेत्रीय समितिका रमिता परियारले मन्तव्य राख्नुभएको थियो ।
सो अवसरमा केन्द्रीय सदस्य बालकृष्ण गायक र भगवती कुँवरको पनि आतिथ्य रहेको थियो ।
क्षेत्रीय सदस्य तथा पान्डिचेरी नगर अध्यक्ष गोविन्द शर्माको अध्यक्षता तथा नगर सचिव रवि पौडेलको सञ्चालनमा अघि बढेको उक्त कार्यक्रममा नगर उपाध्यक्ष गमबहादुर विकले शब्दबाट र सांस्कृतिक विभागका कलाकारद्वारा गीतसङ्गीतद्वारा स्वागत गरिएको थियो ।
