गुलरिया । बर्दियामा राष्ट्रिय जनमोर्चासहितका राजनीतिक दलले एमसीसी खारेजीको माग गर्दै विरोध सभा गरेका छन् ।
बुधबार गुलरियास्थित राधाकृष्ण चोकमा भएको विरोध सभामा बोल्दै अखिल नेपाल किसान महासंघका महासचिव तुलसी सापकोटाले एमसीसी खारेजीका लागि सबै देशभक्त जनता एक जुट हुनुपर्ने आवश्यकता औँल्याउनुभयो ।
सभा अघि भएको विरोध जुलुसमा भारतीय सेना नेपाल भूमि छोड, अमेरिकी साम्राज्यवाद मूर्दावाद, एमसीसीको संशोधन होइन पूर्ण खारेजी गर’ जस्ता नाराहरु लगाइएका थिए ।
कार्यक्रमलाई नेकपा (क्रान्तिकारी माओवादी) का पिविएम भुपेन्द्र न्यापाने, नेकपा (माले) का जिल्ला सचिव तीर्थबहादुर चन्द र नेकपाका जिल्ला अध्यक्ष बद्रि विशाल यादवले सम्बोधन गर्नुभएको थियो ।
कार्यक्रमको सभापतित्व नेकपा (क्रान्तिकारी माओवादी) बर्दिया जिल्ला सचिव विपिन रोकाया र सञ्चालन राजमोका जिल्ला अध्यक्ष युवराज ढकालले गर्नुभएको थियो ।
