रौतहट । नेपाली काङ्ग्रेसका महामन्त्री तथा पूर्वस्वास्थ्य मन्त्री गगन थापा झाडापखाला र हैजा प्रभावित क्षेत्रमा पुगका छन् ।
गगन थापाले नारायणी अस्पताल वीरगञ्ज पुगेर हैजाका बिरामीको अवस्थाका बारेमा प्रत्यक्ष अवलोकन गरेका हुन् ।
झाडापखाला र हैजाका बिरामीसँग महामन्त्री थापाले स्वास्थ्य उपचार, औषधिलगायतका विषयमा बुझेका हुन ।
सो अवसरमा उनले जनताको स्वास्थ्यलाई प्राथमिकतामा राख्दै आवश्यक सहयोग र साथ प्रदान गर्ने दृढ अठोट व्यक्त गरेका छन् ।
उनले हैजाको नियन्त्रण र उपचारमा सबै पक्ष एकजुट भई प्रभावकारी पहल गर्नुपर्नेमा जोड दिए ।
यसअघि नेपाल सरकारका स्वास्थ्य मन्त्री प्रदीप पौडेल र खानेपानी मन्त्री प्रदीप यादवले हैजाका बिरामीको अवस्थाका बारेमा प्रत्यक्ष अवलोकन गरि आवश्यक निर्देशसमेत दिएका थिए ।
झाडापखाला र हैजा प्रभावित वीरगञ्जमा अस्पतालमा उपचारपछि निको भएर घर फर्किने बिरामीको संख्यापनि दिनहुँ बढ्दै गएको पाइएको छ ।
वीरगञ्ज महानगरपालिकाको स्वास्थ्य शाखाका अनुसारगत शुक्रबारदेखि बिहीबार साँझसम्म झाडापखाला र हैजा संक्रमण पुष्टिभएका गरी छ सय १२ जना बिरामी अस्पतालहरुमा भर्ना भएकामा तीमध्ये चार सय ३४ जना निको भएर अस्पतालबाट डिस्चार्ज भएका छन ।
हाल अस्पतालमा एक सय ७८ जना बिरामी उपचाररत रहेको र तीमध्ये हैजा पुष्टि भएका बिरामीको संख्या ६९ मात्रै रहेको वीरगञ्ज महानगरपालिकाको स्वास्थ्य शाखाका जनस्वास्थ्य अधिकृत सुमनचन्द्र ठाकुरले जानकारी दिए ।
