कालीकोट । रक्तिम सांस्कृतिक अभियान केन्द्रीय समिति र राष्ट्रिय जनमोर्चा कर्णाली प्रदेशको सहकार्यमा सञ्चालीत कर्णाली सांस्कृतिक अभियान अन्तर्गत कालीकोट जिल्लाको रास्कोटमा रक्तिम सांस्कृतिक अभियान कालिकोटको प्रशिक्षण कार्यक्रम शुभारम्भ गरिएको छ ।
मिति २०८२ भाद्र १२ गतेदेखि शुरू भएको रक्तिमको प्रशिक्षण कार्यक्रम एक हप्ता चल्ने छ । रक्तिम सांस्कृतिक अभियानका केन्द्रीय अध्यक्ष गिरीप्रसाद बुढाको उपस्थितिमा सञ्चालित प्रशिक्षणमा नृत्य विधाको लागि प्रमुख प्रशिक्षक रक्तिमका केन्द्रीय सदस्य हरि सर्र्तुङ्गी रहनुभएको छ । सहायक प्रशिक्षकमा रक्तिमका केन्द्रीय कलाकार प्रेनिला ज्ञामी र रमेश पुन रहनुभएको छ ।
प्रशिक्षण उद्घाटन कार्यक्रममा रक्तिमका केन्द्रीय अध्यक्ष गिरीप्रसाद बुढा, राष्ट्रिय जनमोर्चा केन्द्रीय सदस्य कमल विक्रम शाही, राष्ट्रिय जनमोर्चाका कर्णाली प्रदेश समितिका अध्यक्ष पुर्णबहादुर शाही, अखिल नेपाल किसान सङ्घका वैकल्पिक केन्द्रीय सदस्य प्रेम बहादुर ठाडा, राजमो कालिकोटका सल्लाहकार अजबहादुर गिरी, रक्तिमका पुर्व केन्द्रीय सदस्य हिक्मत बहादुर शाही, राष्ट्रिय जनमोर्चा प्रदेश समितिका सदस्य कटक शाही लगायतले शुभकामना ब्यक्त गर्नुभएको थियो ।
यसैगरी रक्तिमको प्रशिक्षण अवधिमा सङ्गठन विस्तारको लागि राष्ट्रिय जनमोर्चाले रास्कोट क्षेत्रमा घरदैलो कार्यक्रम सञ्चालन शुरू गरेको छ । प्रशिक्षण समापन लगतै जिल्लाको विभिन्न भागमा सांस्कृतिक सभाका कार्यक्रम सञ्चालन हुने छन् ।
कार्यक्रम कालीकोटको रास्कोटबाट शुरूगरी दैलेखको सदरमुकाममा समापन गरिने छ ।
