वीरेन्द्रनगर । सुर्खेतमा राष्ट्रिय जनमोर्चाले पहिलो चरणको साङ्गठनिक अभियान सुरु गरेको छ ।
पहिलो चरणअन्तर्गत भदौ मसान्तसम्म स्थानीय तह निर्वाचन क्षेत्रको बैठक, सदस्यता वितरणलगायतका कार्य सम्पन्नन गरिने भएको हो ।
सोही निर्णयअनुसार २०८२ भदौ ५ गते बिहीबार क्षेत्र नम्बर १ को बैठक प्रेमबहादुर ठाडाको अध्यक्षामा बसी तीनओटा नगरपालिका र दुईओटा गाउँपालिकामा पहिलो चरण र चौथो चरणको कार्यक्रम तय गरेको जानकारी दिइएको छ ।
यसै क्रममा लेकबसी नगर समितिको प्रशिक्षण भेला सम्पन्न भएको छ ।
राजमो केन्द्रीय सदस्य रत्नविक्रम रानाप्यासी, नेपाल कम्युनिस्ट पार्टी (मसाल) सुर्खेतका प्रवक्ता मोहन थापामगर, राजमो क्षेत्र नम्बर १ का अध्यक्ष प्रेमबहादुर ठाडामगर, राजमो सुर्खेतका उपाध्यक्ष भूपेन्द्रबहादुर नेपालीको कार्यक्रममा उपस्थिति थियो । प्रशिक्षणमा सङ्गठन, तात्कालिक राजनीतिक विषयमा प्रशिक्षण दिइभएको थियो ।
कार्यक्रममा धनबहादुर पुनको अध्यक्षता, स्वागत नगर समितिका सहसचिव हरीकला खुम्चाले र सञ्चालन प्रेमबहादुर ज्ञामीले गर्नुभएको थियो ।
अभियानको क्रममा आगामी असोज २५ गते नगरस्तरीय प्रशिक्षणात्मक भेला तय भएको छ ।
कार्यक्रमअनुसार भदौ ७ गते गुर्भाकोट नगरमा बैठक प्रशिक्षण कार्यक्रम गरिनेछ । त्यस्तै, पञ्चपुरी नगर समितिको बैठक पनि तय गरिएको छ ।
अभियान राजमो कर्णाली प्रदेश समितिका अध्यक्ष पूर्णबहादुर शाही, राजमो कर्णालीका सदस्य पदमसिंह विक, धर्मराज उपाध्याय तथा वीरेन्द्रनगर नगरक्षेत्रमा जिल्ला सचिव विष्णुप्रसाद शर्मा, कृष्णा रावलको नेतृत्वमा कार्यक्रम सञ्चालन गरिनेछ ।
