ताइपेई सिटी । विश्वका लोकतान्त्रिक राष्ट्रका लागि उदाहरण मानिँदै आएको ताइवान अहिले राजनीतिक अस्थिरता, पार्टीगत कट्टरता र बाह्य दबाबको त्रिकोणीय संकटमा फस्दै गर्दा लोकतान्त्रिक व्यवस्था नै संकटमा परेको छ ।

हालै भएको सामूहिक सांसद बर्खास्त पहलले ताइवानको राजनीतिक प्रणालीभित्रको गहिरो अविश्वास र ध्रुवीकरणमा समेत प्रभाव परेको छ । २०२५ को जुलाई २६ मा ताइवानी नागरिकहरूले पहिलो पटक २४ जना सांसदलाई बर्खास्त गर्ने प्रस्तावमा मतदान गरेका थिए । यो घटनालाई लोकतान्त्रिक अभ्यासको महत्वपूर्ण अध्याय मानिएको भए राजनीतिक विश्लेषकहरूको भनाइअनुसार परिणाम असफल भएको छ ।

११३ सदस्यीय संसदको २१ प्रतिशत सदस्यहरूलाई हटाउने यो प्रयास असफल हुँदा पनि यसले समाजभित्रको गहिरो विभाजन उजागर गरेको बताइएको छ । “यो घटनाले मतदातामा असन्तुष्टि मात्र होइन, पार्टीगत अविश्वासले कसरी जनमतलाई प्रभावित पार्छ भन्ने देखाएको छ ।”