एशियन क्रिकेट काउन्सिल (एसीसी) ले भारत र पाकिस्तानबीचको सम्बन्धमा देखिएको तनावका बीच सन् २०२५ को एसिया कपको खेल तालिका सार्वजनिक गरेको छ ।

एसिया कप भारतले संयुक्त अरब इमिरेट्स (युएई) मा आयोजना गर्दैछ । यस पटकको एसिया कप टी–२० फर्म्याटमा खेलाइनेछ र प्रतियोगिता सेप्टेम्बर ९ देखि सुरु हुनेछ । एसिया कप २०२५ को फाइनल खेल सेप्टेम्बर २८ मा हुनेछ ।

भारत र पाकिस्तान एउटै समूहमा छन् । यी दुई टोलीले सेप्टेम्बर १४ मा एकअर्कासँग खेल्नेछन् । यदि भारत र पाकिस्तान फाइनलमा पुगेमा यी दुई टोलीबीच थप दुई खेल खेल्न सकिनेछ ।

गत मे महिनामा भारत र पाकिस्तानबीचको द्वन्द्वपछि पहिलो पटक दुई देशका टोली आमनेसामने हुन लागेका हुन् । कांग्रेस–शिव सेनाबाहेक धेरै सामाजिक सञ्जाल प्रयोगकर्ताले भारत–पाकिस्तान खेललाई लिएर प्रश्न उठाएका छन् ।