काठमाडौँ । बिहीबार भएको एयर इन्डियाको विमान दुर्घटनामा २०४ जनाको मृत्यु भएको पुष्टि भएको छ।
Advertisement
बीबीसी हिन्दीका अनुसार २४२ जना सवार विमान दुर्घटनामा २०४ जनाको शव भेटिएको अहमदाबादका प्रहरी आयुक्त जीएस मलिकले पुष्टि गरेका छन्।
मलिकका अनुसार केहीको अस्पतालमा उपचार भइरहेको छ भने राहत तथा उद्धार कार्य पनि जारी छ।
गुजरातको अहमदावादबाट लण्डनका लागि दिउँसो १ः३८ बजे उडान भरेको बोइङ ७८७ ड्रिमलाइनर विमान (फ्लाइट नं एआई–१७१) दुई मिनेटपछि नै दुर्घटनामा परेको थियो।
विमानमा १६९ भारतीय, ५३ बेलायती, सात पोर्चुगिज र एक क्यानडियन नागरिक सवार थिए।
