काठमाडौँ । त्रिवि शिक्षण अस्पताल (टिचिङ) मा उपचाररत क्रान्तिकारी कम्युनिस्ट पार्टी नेपालका महासचिव मोहन वैद्य ‘किरण’ लाई नेकपा (मसाल) का महामन्त्री मोहनविक्रम सिंहले भेट गर्नुभएको छ ।
२०८२ जेठ २७ गते मङ्गलबार दिउँसो ३ बजे सो भेट भएको हो ।
भेटमा सँगै रहनुभएकी राष्ट्रिय जनमोर्चाकी केन्द्रीय उपाध्यक्ष तथा प्रवक्ता दुर्गा पौडेलका अनुसार उहाँको स्वास्थ्यमा सुधार आइरहेको छ ।
‘मोहनजीले वैद्यजीलाई स्वास्थ्यावस्था कस्तो छ भनेर सोध्दा बैद्यजीले अलि बिसेक भएको छ भन्नुभयो’ अस्पतालमा भएको कुराकानीाबारे पौडेलले युगदर्शनलाई जानकारी दिनुभयो ।
उपचाररत वैद्यले सिंहसित कुराकानी गर्न खोजे पनि चिकित्सकको सल्लाहअनुसार धेरै कुराकानी गर्न सम्भव नभएको उहाँकाे भनाइ थियो ।
महासचिव वैद्यको सुरेश वाग्ले बिल्डिङको पाँचौँ तलामा रहेको आई.सी.यु. बेड नम्बर ४ मा उपचार भइरहेको छ ।
श्वासप्रश्वासमा समस्या देखिएपछि यही जेठ १८ गते उहाँ सो अस्पतालमा भर्ना हुनुभएको थियो ।
