काठमाडौँ । औषधी व्यवस्था विभागले बजारबाट पेटसम्बन्धी समस्या निको पार्ने दुई औषधी बजारबाट तुरुन्त फिर्ता गर्न निर्देशन जारी गरेको छ ।

‘पिलपान ४० एमजी’ र ‘एसिटप ४० एमजी’ नामक दुवै औषधी परीक्षणका क्रममा गुणस्तरहीन पाइएपछि फिर्ता गर्न निर्देशन दिइएको हो ।

उक्त ब्याच नं. भएका औषधीको सिफारिस, विक्रीवितरण तथा प्रयोग नगर्न र नगराउन सबैलाई विभागले अनुरोध गरेको छ ।

विभागले बजार अनुगमनका क्रममा संलग्न गरिएको औषधीको नमुना राष्ट्रिय औषधी प्रयोगशालाबाट परीक्षण गर्दा उत्पादकबाट उत्पादित उक्त ब्याच नं. का औषधी न्यून गुणस्तर पाइएको जारी सूचनामा उल्लेख छ ।

औषधी ऐन–२०३५ को दफा १४ बमोजिम विक्रीवितरण रोक्का गरी उक्त ब्याचका औषधी बजारबाट तुरुन्त फिर्ता गर्न र सोको विवरण विभागमा पेस गर्न सम्बन्धित उद्योग तथा तिनका प्रतिनिधिलाई सूचनामार्फत निर्देशन दिइएको छ ।