काठमाडौँ । स्ववियु निर्वाचनमा गोला प्रथाको स्पष्ट र बाध्यकारी निर्देशन जारी गर्न छ विद्यार्थी सङ्गठनले माग गरेका छन् ।
२०८१ फागुन २६ गते सोमबार दुई बुँदे प्रेसवक्तव्य जारी गर्दै उनीहरूले सो माग गरेका हुन् ।
त्रिविको निर्देशन नम्बर ६१८ ले स्ववियु निर्वाचनका उम्मेदवार तथा प्यानलको मतपत्र निर्धारण गर्दा गोला प्रथा विधि अपनाउने उल्लेख गरिएपछि त्यसबारे स्पष्ट पार्नुपर्ने उनीहरूको माग छ ।
त्यस्तै, उम्मेदवार मनोनयन दर्ताको सन्दर्भमा सामुदायिक र निजी क्याम्पसमा चर्को धरौटी तथा उम्मेदवारी शुल्क असुल गरिएकोमा आपत्ति प्र्रकट गर्दै उनीहरूले निःशुल्क मनोनयपत्र वितरण तथा उम्मेदवारी दर्ता गर्नुपर्ने माग राखेका छन् ।
विज्ञप्तिमा अखिल (छैठौं) का अध्यक्ष सुवाश जिसी, अखिल (क्रान्तिकारी) का अध्यक्ष वीरेन्द्र शाह, अखिल (क्रान्तिकारी) का संयोजक महेश श्रेष्ठ, वैज्ञानिक समाजवादी विद्यार्थी सङ्गठन नेपालका अध्यक्ष हिमांशु, अखिल नेपाल विद्यार्थी युनियनका अध्यक्ष मनिष भट्टराई र अखिल (पाँचौँ) का अध्यक्ष पवित्रा आचार्यको हस्ताक्षर रहेको छ ।
