वीरेन्द्रनगर । सुर्खेतको लेकबेसी नगरपालिकामा सङ्घीयता विरुद्धको काठमाडौँकेन्द्रित आन्दोलन सफल पार्न राष्ट्रिय जनमोर्चाले प्रशिक्षण भेला सम्पन्न गरेको छ ।
राजमो लेकबेसी नगरपालिकाको प्रथम नगर भेलासँगै सो कार्यक्रम २०८१ माघ १६ गते बुधबार सम्पन्न भएको हो ।
प्रशिक्षण कार्यक्रम तथा नगर भेलाको उद्घाटन राजमो केन्द्रीय सदस्य रत्नविक्रम रानाप्यासीले गर्नुभएको थियो ।
कार्यक्रममा राजमो कर्णाली प्रदेश समितिका सदस्य शेरबहादुर परियार, राजमो सुर्खेतका कावा अध्यक्ष भूपेन्द्र नेपाली, जिल्ला समितिका सदस्य नरबहादुर फौजा, जितबहादुर घर्ती, नेकपा (मसाल) का प्रवक्ता मोहन थापाले प्रशिक्षण तथा भेला सफलताको शुभकामना दिनुभएको थियो ।
नगर अध्यक्ष प्रेमबहादुर ठाडाको अध्यक्षता तथा कर्णबहादुर ठाडाको स्वागत मन्तव्यसँगै अघि बढेको सो कार्यक्रमको सञ्चालन नगर समितिका सचिव धनबहादुर पुनले गर्नुभएको थियो ।
नगर अध्यक्षमा पुन
भेलासँगै सम्पन्न बन्दसत्रले धनबहादुर पुन अध्यक्ष रहनुभएको ११ पूर्ण, तीन वैकल्पिक र पाँच सल्लाहकारसहितको राजमोको नगर समिति गठन गरेको छ ।
समितिको उपाध्यक्षमा छवि पोख्रेल, सचिवमा प्रेमबहादुर ज्ञामी, सहसचिवमा हरिसरा खाम्चा र कोषाध्यक्षमा चन्द्रा सुनार रहनुभएको छ ।
समितिको सदस्यमा कर्णबहादुर ठाडा, प्रेमबहादुर ठाडा (ख), निक दर्लामी, कुलसिंह परियार र दिलबहादुर आर्ने तथा वैकल्पिक सदस्यमा शेरबहादुर लुतेली, शशिराम ठाडा र सोहन थापा रहनुभएको छ ।
भेलाले प्रेमबहादुर ठाडा (क), पाण्डव कठायत, जितबहादुर आर्ने, खम्बरसिंह मिदुन र पूर्णकलालाई सल्लाहकारमा चयन गरेको छ ।
क्षेत्र नं. १ को अध्यक्षमा ठाडा
त्यस्तै, प्रशिक्षण भेलाले राजमो सुर्खेत क्षेत्र नं. १ स्ततरीय समितिको अध्यक्षमा प्रेमबहादुर ठाडालाई चयन गरेको छ भने सचिवमा जितबहादुर घर्ती, कोषाध्यक्षमा पार्वती ठाडा तथा सदस्यमा प्रेमबहादुर गुरुङ ‘गुपी’ र कर्मबहादुर ठाडालाई चयन गरेको छ ।
भेलाले १ नम्बर क्षेत्रका गुर्भाकोटको शिवनगर, बोटेचौर मेहलकुना, भेरीगङ्गाको जरेछिन्चु, लेकबेसीको लेखफर्सा, दशरथपुर नेता, कल्याण चिङगाड, गङ्गटे, साटाखानीलगायत बजारमा कार्यक्रम गरिने छ ।
