बेलबारी (मोरङ) । मोरङको बेलबारी नगरपालिका वडा नं. १ मा सञ्चालन भइरहेको सगरमाथा इङ्ग्लिस स्कुलले आफ्ना कक्षा ११ र १२ मा अध्ययनरत विद्यार्थीलाई तीनदिने आधारभूत पत्रकारिता तालिम सुरु गरेको छ ।
२०८१ माघ ३ गतेदेखि सो तालिक सुरु भएको हो ।
प्रयोगात्मक परियोजना कार्यसहित तीन दिनसम्म सञ्चालन गरिने पत्रकारिता प्रशिक्षणको पहिलो दिन छापापत्रकारिताबारे हरिकान्त पौडेलले प्रशिक्षण दिएका थिए ।
उनले निष्पक्ष र पारदर्शी पत्रकारिता गर्नुपर्ने तर पीतपत्रकारिता कहिल्यै गर्ननहुने प्रशिक्षार्थीलाई बताए ।
प्रिन्सिपल इरनकुमार राईका अनुसार २७ जना प्रशिक्षार्थीलाई नौ समूहमा विभाजन गरी प्रत्येक समूहलाई बेग्लाबेग्लै विषयमा समाचार निर्माण गरेर पेस गर्न प्रयोगात्मक कार्य दिइएको छ ।
राईका अनुसार दोस्रो प्रशिक्षणमा रेडियो–पत्रकारिताबारे प्रशिक्षण दिइने छ ।
कार्यक्रममा बेलबारी प्रज्ञा–प्रतिष्ठानकी अध्यक्ष रेखा सुवेदी तथा अन्य शिक्षकको आतिथ्य रहेको थियो ।
