काठमाडौं । नेपाली कांग्रेसका नेता मिनेन्द्र रिजालले कुन देशसँग कस्तो सम्बन्ध राख्ने नेपाललाई नसिकाउन भारतीय पक्षलाई चुनौती दिएका छन् ।

भारतीय टिलिभिजन च्यानल रिपब्लिकनसँगको कार्यक्रम डिबेटमा बोल्दै रिजालले सीमा विवादको विषयमा सरकारले लिएको अडानमा सही भएको बताए ।

कार्यक्रमका सञ्चालक अर्णव गोस्वामीले चीन संसारबाट एक्लिएको र नेपालले अहिले चीनको इशारामा सीमा विवाद उठाएको भनेर कार्यक्रम सुरु गरेपछि रिजालले नेपालले कुन देशसँग कस्तो सम्बन्ध राख्ने नेपालको आफ्नो कुरा रहेको भन्दै भारतले सिकाउन आवश्यक नरहेको बतएका थिए । उनले प्रश्नकर्तालाई तथ्यका आधारमा प्रश्न गर्न पनि चुनौती दिए ।

‘प्रश्न गरेका हो कि कुनै मन्तव्य दिएको हो। कि मलाई कुनै सन्देश दिन खोजेकोेरु नेपालमा यसरी अन्तर्वार्ता लिइँदैन। नेपाल र भारतबीच लामो समयदेखि सीमा विवाद छ । हामी द्विपक्षीय छलफलबाट समस्या हल गर्न चाहन्छौँ। भारतले कोभिड–१९ को महामारी टुंगिएपछि बसौंला भन्यो।

हामीले अगावै कुराकानी गरौं भन्यौं,’ नेता रिजालले भने, ‘हामीसँग उक्त भूभाग हाम्रो भएको पुष्टि गर्न यथेष्ट प्रमाण छन् । भारतले पनि आफ्नो तर्फबाट प्रमाण जुटाओस्। वार्तामा बसौं, समस्या समाधान गरौं । चीनलाई जोडिरहनुको तुक छैन ।’

कार्यक्रममा द रिपब्लिका दैनिकका सम्पादक सुवास घिमिरे, द हिमालय टाइम्सका प्रकाश रिमाल पनि सहभागी रहेका थिए।

कार्यक्रममा गोस्वामीले प्रधानमन्त्री केपी शर्मा ओलीले संसदमा चीनबाट आएको भाइरस भन्दा भारतबाट आएको भाइरस कडा भनि गरेको टिप्पणीलाई विषयमा पनि प्रश्न गरेका थिए। तर, रिजालले आफू भाइरस विज्ञ नभएको जवाफ दिएका थिए ।

बुधबाार मात्रै अभिनेत्री मनिषा कोइरालाले नेपालले बनाएको नक्सामा ट्विटरमा समर्थन जनाएको भन्दै भारतीय मिडियाहरुले कोइरालाको खोइरो खनेर समाचार प्रशारण गरेका थिए ।

यो पनि

मनिषा कोइरालामाथि खनिए भारतीय मिडिया (भिडियो)