नेपालगञ्ज । प्रगतिवादी साहित्यकार मोहनविक्रम सिंहलाई प्युठानी समाज कोहलपुरले अभिनन्दन गरेको छ ।
२०८१ पुस ७ गते आइतबार एक औपचारिक समारोहमाझ उहाँलाई सम्मान गरिएको हो ।
साहित्यकार सिंहलाई अध्यक्ष तेजबहादुर केसी र टीकाराम खनालले दोसल्ला ओढाएर, यमबहादुर पौडेलले अभिनन्दनपत्र प्रदान गरेर तथा भूमि गिरीले माला लगाइदिएर सम्मान गरेका थिए ।
तत्पश्चात् अभिनन्दित साहित्यकार सिंहले सारगर्भित मन्तव्य राख्नुभएको थियो ।
कार्यक्रममा संस्थाका सचिव दामोदर पौडेलले सिंहको व्यक्तित्व र जीवनीबारे प्रकाश पार्नुभएको थियो ।
समाजका अध्यक्ष तेजबहादुर केसीको अध्यक्षतामा अघि बढेको सो समारोहको सञ्चालन खोपीराम वलीले गर्नुभएको थियो ।
समारोहमा पूर्णिमा साहित्य प्रतिष्ठानका अध्यक्ष पुष्कर रिजाल, राष्ट्रिय जनमोर्चाका नेता वासुदेव पोखरेललगायत थुप्रै स्थानीय बुद्धिजीवीको पनि उपस्थिति रहेको थियो ।
