जगदीश ढकाल, नेपालगञ्ज (बाँके) ।

अखिल नेपाल प्रगतिशील लेखक सङ्घ (अन्पा) लुम्बिनी प्रदेश समितिको आयोजनामा भर्चुअल माध्यमबाट रचना वाचन कार्यक्रम सम्पन्न गरिएको छ ।

केन्द्रीय अध्यक्ष समीर सिंहको प्रमुख आतिथ्य तथा प्रगतिवादी साहित्यकार निमबहादुर थापाको विशिष्ट आतिथ्यमा २०८१ पुस ५ गते शुक्रबार सो कार्यक्रम सम्पन्न भएको हो ।

अन्पाका प्रदेश समितिका अध्यक्ष रामप्रसाद गैरेको अध्यक्षता तथा सचिव कल्पना पौडेल ॅजिज्ञासु’ को सञ्चालनमा सो कार्यक्रम अगाडि बढेको थियो ।

कार्यक्रममा अन्पाकै प्रदेश उपाध्यक्ष सुरेशकुमार पाण्डे, सहसचिव गुरुप्रसाद कुमाल ॅबुलबुल’ र प्रदेश समितिका सदस्य मनिराम खनालले कविता, साहित्यकारहरू ऋषिराम सापकोटा, सीता श्रेष्ठ, बालसाहित्यकार हितेष पौडेलले बालकथा, साहित्यकार रवि शर्मा, बलबहादुर मगर र रामप्रसाद गैरेले गजल वाचन गर्नुभएको थियो ।