तौलिहवा । कपिलवस्तुको कृष्णनगर नगरपालिका कृष्णनगरमा राष्ट्रिय जनमोर्चाको प्रथम नगर भेला सम्पन्न भएको छ ।
राजमो कपिलवस्तुका सचिव केरसिंह अदैको उपस्थिति तथा सुलेमान मुसलमानको अध्यक्षतामा २०८१ पुस ४ गते बिहीबार उक्त भेला सम्पन्न भएको हो ।
भेलाले सुलेमान मुसलमान अध्यक्ष रहनुभएको राजमोको कृष्णनगर नगर समिति गठन गरेको छ ।
समितिको उपाध्यक्षमा अजिल खान, सचिवमा सिराज खान, कोषाध्यक्षमा केफाई तुल्ला मुसलमान तथा सदस्यमा सहनाथ खातुन, विकास गौतम, अहमद अली, सफिक खान, शिव मोक्तान, इनहर मुसलमान खान, लालमणि भुसाल, अप्सरा खातुन, र अनिलकुमार काहर रहनुभएको छ ।
भेलाले सल्लाहकारमा निजदिमिन खान, लक्ष्मण भुसाल र तोपबहादुर बिसीलाई चयन गरेको छ ।
भेलालाई सम्बोधन गर्दै सचिव अदैले राष्ट्रिय जनमोर्चा सधैँ राष्ट्रियता, गणतन्त्र, धर्मनिरपेक्षता र देशमा भइरहेको सबै खाले अन्याय, अत्याचार, शोषण, दमनको विरुद्ध आवाज उठाउँदै आएको बताउनुभयो ।
कार्यक्रमलाई राजमो कपिलवस्तुका कोषाध्यक्ष तथा शिवराज नगर समितिका अध्यक्ष केहरसिंह पुनमगर र राजमो विजयनगर गाउँपालिकाका अध्यक्ष गोविन्द परिवारले पनि सम्बोधन गर्नुभएको थियो ।
नवनिर्वाचित समितिलाई राजमो कपिलवस्तुकी सदस्य त्रिवेणी कुर्मीले बधाई तथा सफल कार्यकालको शुभकामना दिनुभएको थियो ।
कार्यक्रमको सञ्चालन सिराज खानले र स्वागत लालमनी भुसालले गर्नुभएको थियो ।
