दाङ । दाङको घोराही उपमनपा–१७ चौघेरामा राष्ट्रिय जनमोर्चाको टोल समिति गठन भएको छ ।
राजमो केन्द्रीय सदस्य तथा जिल्ला सदस्य गणेश आचार्यको उपस्थितिमा २०८१ मङ्सिर २५ गते मङ्गलबार सम्पन्न भेलाले सो समिति गठन गरेको हो ।
बालाराम अधिकारीको अध्यक्षता तथा बिपना आचार्यको स्वागत मन्तव्यबाट सुरु भएको सो कार्यक्रममा बोल्ने वक्ताहरूले देशलाई आर्थिक रूपमा टाट पल्टाउने सङ्घीयताको अन्त्यको लागि एक हुन आग्रह गर्नुभयो ।
मन्तव्य राख्ने वक्ताहरूमा राजमो दाङका कोषाध्यक्ष हरि खरेल, जिल्ला सहसचिव कृष्णा राना, जिल्ला सदस्य मेघराज भट्टराई, घोराही नगर कोषाध्यक्ष्य झबिलाल कालाथोकी र नगर अध्यक्ष मनिराम खनाल हुनुहुन्थ्यो ।
राजमो नगर सदस्य रोमप्रसाद पोखरेलको सञ्चालनमा अघि बढेको सो कार्यक्रममा जेष्ठ सदस्य नरबहादुर खड्काको विशेष उपस्थिति थियो ।
भेलाले रोमप्रसाद पोखरेल अध्यक्ष रहनुभएको तीन सल्लाहकारसहित १७ सदस्यीय टोल समिति निर्माण गरेको छ ।
समितिको उपाध्यक्षमा बसन्ता पोखरेल, सचिवमा बिपना आचार्य, सहसचिवमा कमल खड्का र कोषाध्यक्षमा निमप्रसाद पोखरेल रहनुभएको छ ।
त्यस्तै, सदस्यमा बालाराम अधिकारी, चुमा गिरी, दलबहादुर गिरी, मिनबहादुर खड्का, हरिप्रसाद पोखरेल, बालिका पुन, दिनबहादुर नेपाली, अस्मिता महतरा, शिवलाल भन्डारी, पूर्ण जिसी, लक्ष्मी खनाल तथा एक सदस्य रिक्त राखिएको छ ।
समितिको सल्लाहकारमा नारायणप्रसाद पोखरेल, नरबहादुर खड्का र लोकमणि आचार्य रहनुभएको छ ।
