काठमाडौं । बुद्ध एयरले आज नयाँ जहाज थपेको छ । शुक्रबार बुद्धले १९ औं एटीआर–७२ जहाज भित्र्याएको हो।
यससँगै एटीआर–७२ जहाजको संख्या १६ पुगेको छ।
नयाँ जहाजको आवश्यक कागजी प्रक्रिया पु¥याई डिसेम्बर महिनाको अन्त्यबाट उडान सेवामा ल्याइने बुद्ध एयरले प्रेस विज्ञप्तिमार्फत जनाएको छ।
बुद्धएयरले कल साईन ९एन–एओजी जहाज फ्रान्सको एटिआर कम्पनी, तुलुसबाट भित्र्याएको छ।
बु
द्ध एयरसँग ३ वटा एटीआर–४२–३२० र १६ वटा एटिआर–७२–५०० जहाजहरु रहेका छन्। बुद्ध एयरले केही समय अगाडि मात्रै एउटा एटीआर–४२–३२० जहाजलाई उडानबाट बिदाई गरेको थियो। सो जहाज डिरजिष्ट्रेसन प्रक्रियामा रहेको छ।
हवाई उडानलाई सहज र सरल बनाउने प्रतिवद्धता अनुरुप बुद्ध एयर आफ्नो बेडामा नयाँ जहाज थप गरेको बुद्ध एयरका बजार निर्देशक रुपेश जोशीले बताए ।
थपिएको जहाजले नियमित मर्मत सम्भारमा पनि सहयोगी हुने कम्पनीले जनाएको छ।
बुद्ध एयरले आन्तरिकतर्फ अहिले दैनिक १४० भन्दा बढि उडान भरिरहेको छ। अन्तरराष्ट्रियतर्फ काठमाडौंबाट भारतको वाराणसी साताको ३ दिन उडान भरिरहेको छ। यसैगरि पोखराबाट चितवन, भैरहवा तथा नेपालगञ्जको उडान पनि भरिरहेको छ।
