कावासोती । भारतले लिम्पियाधुरा–लिपुलेक अतिक्रमणको सिलसिलामा सोही बाटो हुँदै चीनको मानसरोवरसम्म पुग्ने सडकमार्ग निर्माण गरेपछि राष्ट्रिय जनमोर्चा नवलपुरले जिल्लाका अमरापुरी, मुकुन्दपुर, गैँडाकोट, डण्डा र हुप्सेकोटमा विरोधसभा सम्पन्न गरेको छ ।
२०७७ जेष्ठ १ गते अमरापुरीका आयोजित विरोधसभालाई नेकपा (मसाल) नवलपुरका प्रवक्ता लेखनाथ शर्मा र राजमोका तर्फबाट गैँडाकोट–१६ वा जनप्रतिनिधि गणेश ज्ञवालीले सम्बोधन गर्नुभएको थियो । कार्यक्रमको सञ्चालन बलदेव शर्माले गर्नुभएको थियो ।
सोही दिन मुकुन्दपुरमा पनि विरोधसभा सम्पन्न भएको छ । राजमो नेताहरू शालिकराम सापकोटा र चन्द्र सापकोटाले सम्बोधन गर्नुभएको उक्त कार्यक्रमको सञ्चालन ऋषि कँडेलले गर्नुभएको थियो ।
यसअघि गैँडाकोटामा सम्पन्न विरोधसभालाई राजमो नवलपुरका अध्यक्ष दीपक पाण्डे र वामपन्थी नेता विमल शर्माले सम्बोधन गर्नुभएको थियो भने सञ्चालन अर्का वामपन्थी नेता देवराज पौडेलले गर्नुभएको थियो ।
त्यस्तै, डण्डामा सम्पन्न विरोधसभालााई राजमो जिल्ला उपाध्यक्ष विकाराम चौधरीले सम्बोधन गर्नुभएको थियो भने सञ्चालन वीरबहादुर एमसीले गर्नुभएको थियो ।
एवम् प्रकारले हुप्सेकोट गाउँपालिकामा सम्पन्न विरोधसभालाई राजमो गाउँपालिका समितिका अध्यक्ष मानबहादुर लामाले सम्बोधन गर्नुभएको थियो भने सञ्चालन भक्तबहादुर उचैले गर्नुभयो ।
कार्यक्रममा राष्ट्रियताको रक्षा गरौँ !, राष्ट्रिय जनमोर्चा जिन्दावाद !, नेकपा (मसाल) जिन्दावाद !, लिम्पियाधुरा, कालापानी, लिपुलेक हाम्रो हो !, सुस्ता–महेशपुर हाम्रो हो !, भारतीय साम्राज्यवाद मुर्दावाद !, भारतीय सेना कालापानी छोड् !, १९५० लगायतका असमान सन्धिसम्झौता खारेज गर ! जस्ता नारा लगाइएको थियो ।
यसैबिच, राजमो नवलपुरले जिल्लाका रजहर र दुम्कीवासमा पनि विरोधसभा सम्पन्न गर्ने तयारी गरिरहेको जनाएको छ ।
