अर्घाखाँची । राष्ट्रिय जनमोर्चा, अर्घाखाँचीले तिहारपछि पनि देउसी भैलोलाई निरन्तरता दिएको छ ।
आइतबार (कात्तिक २५ गते) जिल्लाको सन्धिखर्कमा सांस्कृतिक कार्यक्रमसहित देउसी भैलो खेलेको हो । कार्यक्रम कात्तिक २७ गतेसम्म जारी रहने राजमोले जनाएको छ ।
अर्घाखाँचीमा तिहार पछि पनि देउसी भैलोलाई निरन्तरता दिने प्रचलन छ ।
यसअघि तिहारको अवसरमा ग्रामिण भेगमा देउसी भैलो खेलेको राजमोले आजदेखि सहरी क्षेत्रमा कार्यक्रम सञ्चालन गरेको हो ।
कार्यक्रममा राष्ट्रिय जनमोर्चाका महासचिव मनोज भट्ट सहभागी हुनुहुन्छ । यस्तै, केन्द्र र जिल्लास्तरका नेता, कार्यकर्ता र कलाकारहरूको सहभागिता छ ।
राजमोले देउसी भैलोलाई प्रगतिशील रुपमा खेल्ने गर्दछ भने संकलित रकमलाई राजनीतिक र सामाजिक क्षेत्रमा खर्च गर्ने गर्दै आएको छ ।
कार्यक्रममा रक्तिम सांस्कृतिक अभियानका कलाकारहरूले तिहारसम्बन्धी विभिन्न प्रस्तुतीहरू दिएका छन् ।
