जनकराज शर्मा, पान्डिचेरी ।
दक्षिण भारतको पान्डिचेरीमा मूल प्रवाह अखिल भारत नेपाली एकता समाजको आयोजनामा २०८१ सालको प्रगतिशील भैलो सम्पन्न भएको छ ।
नोभेम्बर २ र ३ का दिन दुई स्थानमा सो कार्यक्रम सम्पन्न भएको हो ।
भैलो उद्घाटन केन्द्रीय समितिका सदस्य चन्द्रकान्त शर्माले गर्नुभएको थियो भने अतिथिगणहरूले कार्यक्रम सफलताको शुभकामना दिनुभएको थियो ।
कार्यक्रममा केन्द्रीय समितिका जनकराज पौडेल, भगवती कुँवर, बालाकृष्ण गायक, विद्यार्थी केन्द्रीय विभागका प्रमिला कुँवर, क्षेत्रीय समितिका विष्णु शर्मा, क्षेत्रिय महिला विभागकी जमुना शर्मा, क्षेत्रीय समता विभागका गमबहादुर विक र सांस्कृतिक विभागका राजेन्द्र जिसीको आतिथ्य रहेको थियो ।
नगर समितिका कावा अध्यक्ष भद्रबहादुर जिसीको अध्यक्षता तथा सचिवसमेत रहनुभएका क्षेत्रीय सदस्य गोविन्द शर्माको सञ्चालनमा सो कार्यक्रम अगाडि बढेको थियो ।
सहिदको सम्मानमा एक मिनट मौनधारणपश्चात् कलाकारबाट स्वागत गीत र नगर समितिका सदस्य खड्कबहादुर कुँवरले स्वागत मन्तव्य राख्नुभएको थियो ।
शुभकामनापश्चात् कलाकारहरूबाट भैलोलगायत गीतसङ्गीत र नृत्य प्रस्तुत गरिएको थियो
नोभेम्बर ३ का दिन शीतल परियारको व्यवस्थापन तथा जनकराज पौडेल र चन्द्रकान्त शर्माको पहलमा लक्ष्मीनारायण मेडिकल कलेजमा कार्यरत नेपाली दाजुभाइ, दिदिबहिनीको व्यापक उपस्थितिमा दोस्रो भैलो कार्यक्रम सम्पन्न भएको थियो ।
