का. मोहन विक्रम सिहंको उपन्यास “कामरेड जलजला” प्रेसमा गइसकेको छ र त्यसको २०८१ मङ्सिर १५ गते शनिबार काठमाडौँ कमलादीस्थित नेपाल प्रज्ञा–प्रतिष्ठानको पारिजात हलमा दिउँसो १ बजे विमोचन गरिने छ ।
प्रस्तुत पुस्तक पाँच लाख शब्द छन् । पुस्तक १,३२० पृष्ठको छ । त्यसमा करिब ५०० पात्रहरू छन् । पुस्तक दुई खण्ड, आठ भाग, ७० परिच्छेद र २७२ अङ्कमा विभाजित छ । त्यो पुस्तक पूरा गर्न लेखकलाई करिब २३ वर्ष लागेको थियो । सबै पुस्तक रोयल साइज हार्डकभरमा नै हुने छन् ।
उक्त उपन्यास जनशिक्षा गृहको तर्फबाट प्रकाशित हुने छ । जनशिक्षा गृह करिब ७० वर्षपहिले प्युठानको ओखरकोटमा स्थापना गरिएको थियो । यसले आफ्नो स्थापनाकालदेखि अहिलेसम्म कैयौँ पुस्तकपुस्तिका प्रकाशन गरिसकेको छ । अहिले जनशिक्षा गृहलाई काठमाडौँमा दर्ता गरिएको छ (दर्ता नं. १०४०९११७९०) ।
अहिले प्रकाशित हुन थालेको यो कृति लेखकको छैटौँ उपन्यास हो । उहाले सर्वप्रथम २०१२ सालमा पाल्पा जेलमा छँदा “बुढा बा” र “झिलिमिली”, २०१८ सालमा तौलिहवा जेलमा हुँदा करिब चार वर्ष लगाएर एउटा उपन्यास “ओखरकोट”, २०२६ सालमा काठमाडौँको हनुमानढोका खोरमा हुँदा “बुढा बा” शीर्षकको नै अर्को उपन्यास र २०४२ सालमा बनारसमा छँदा “तारा” शिर्षकको एउटा उपन्याससमेत गरी जम्मा पाँचओटा उपन्यास लेख्नुभएको थियो तर ती सबै एउटा जेलबाट अर्को जेलमा चलान हुँदा, भूमिगत कालमा वा डेरा सर्दा कतै हराए वा नष्ट भए । तीमध्ये कुनै पनि प्रकाशन हुन पाएनन् । ती सबैमध्ये अब २०१२ सालमा पाल्पा जेलमा लेखेको एउटा कथा “त्यो” मात्र बचेको छ, जो मधुपर्कको २०८१ को साउन अङ्कमा पनि प्रकाशित भएको थियो ।
उक्त उपन्यासको मूल्य रु ३,००० हुने छ । हामीले यो उपन्यास प्रकाशनको लागि कात्तिकको मसान्तसम्म अग्रिम रकम पठाउने बिक्रेतालाई ४० प्रतिशत छुट दिने ठेगान गरेका छौँ । त्यो छुट व्यक्तिगत रूपमा अग्रिम रकम पठाउने पाठकलाई पनि प्राप्त हुने छ । त्यसरी अग्रिम रकम पठाउने व्यक्तिलाई त्यो पुस्तक रु १,८०० मा प्राप्त हुने छ ।
पुस्तक विमोचनका दिन त्यो पुस्तकमा ३० प्रतिशत छुट दिइने छ र त्यसरी त्यो पुस्तक रु २,१०० मा उपलब्ध हुने छ । जनशिक्षा गृहको मुख्य कोसिस पाठकसित सिधै सम्पर्क गर्ने र उनीहरूलाई सिधै पुस्तक उपलब्ध गराउनेतिर नै हुने छ ।
उक्त पुस्तकबारे विशेष जानकारी प्राप्त गर्न वा उपन्यास मगाउनसमेतको लागि तलको फोन/ह्वाटसप नम्बर वा इमेल ठेगानामा सम्पर्क गर्न अनुरोध गर्दछौँ ।
फोन/ह्वाटसप नम्बर ००९७७९८५११९८८१०, ००९७७९८५१३२३४९७
इमेल : paudeldurga21@gmail.com
फेसबुक : https://www.facebook.com/share/p/1FsjTWW9Bf/
बैङ्क खाता
जनशिक्षा गृह
ग्लोबल आइएमई बैङ्क, वनस्थली शाखा
खाता नम्बर ०१००१०१०००९७२०
