चितवन । रक्तिम सांस्कृतिक अभियान केन्द्रीय समितिको देउसीभैलो कार्यक्रम चितवनमा सञ्चालन भईरहेको छ।
२०८१ कार्तिक १३ गते विजय नगरबाट शुरु भएको देउसी भैलो कार्यक्रम राष्ट्रिय जनमोर्चा चितवनका अध्यक्ष अमरबहादुर क्षेत्रीको उट्घाटन मन्तव्यबाट अगाडि बढेको थियो ।
भैलो कार्यक्रममा राष्ट्रिय जनमोर्चाका केन्द्रीय सदस्य डम्बर पुरी, केन्द्रीय सदस्य राजेन्द्र ढुंगाना , राष्ट्रिय जनमोर्चाका जिल्ला अध्यक्ष अमर बहादुर क्षेत्री, जिल्ला सचिव पदमबहादुर वाग्ले, रक्तिम चितवनका जिल्ला उपाध्यक्ष कृष्ण केसीलगायत जिल्लास्थित स्थानिय नेता कार्यकर्ताहरूको सक्रिय सहभागिता रहँदै आएको छ ।
त्यस्तै रक्तिमको तर्फबाट केन्द्रीय अध्यक्ष गिरीप्रसाद बुढा, केन्द्रीय सदस्य उषा तरामी, हरि सर्तुङ्गी, केन्द्रीय सल्लाहकार थुमराज ढुंगाना, कलाकारहरूमा विजय घर्ती, विकास विष्ट, समष्टि बुढा, पूर्णीमा बिष्ट, प्रेमीला ज्ञामी, विनिता ठाडा, प्रमिला ठाडा, रहनु भएको छ ।
यसैगरी स्वयमसेवकको भूमिकामा प्रेम ठाडा, पुष्पा थापालगायतका साथिहरूको पनि उपस्थिति रहँदै आएको छ ।
भैलोमा तिहारै आयो हे दाजै, सयपत्री फुल्दा, बढ्दै जाउ, छमछम नाचिदेउ साथी, ए साथी , भ्रष्टाचार, हिउँचुलीमा झुल्कीयो घाम, दादु हो (थारू गीत), म हिँडेको गाउँको, रोजगारी खोज्दै, उस्तै छ हामीलाई पिरलो, तिमी नि उस्तै म पनि उस्तैलगायतका गीतहरूमा नृत्य तथा अभिन रहेको सांस्कृतिक प्रस्तुतिसहित भैलो कार्यक्रम सञ्चालन भईरहेको छ । भैलो कार्यक्रम कार्तिक २० गतेसम्म सञ्चालन हुने छ ।
