जगदीश ढकाल,नेपालगञ्ज ।

अखिल नेपाल प्रगतिशील लेखक सङ्घ (अन्पा) लुम्बिनी प्रदेश समितिको आयोजनामा प्रगतिशील रचना वाचन कार्यक्रम सम्पन्न भएको छ ।

भर्चुअल माध्यमबाट उक्त कार्यक्रम २०८१ असोज ९ गते बुधबार सम्पन्न भएको हो ।

अन्पाका लुम्बिनी प्रदेश समितिका अध्यक्ष रामप्रसाद शर्मा ‘पाल्पाली’ को अध्यक्षता तथा सचिव कल्पना पौडेल ‘जिज्ञासु’ को सञ्चालनमा अघि बढेको उक्त कार्यक्रममा प्रदेश समितिकै उपाध्यक्ष सुरेशकुमार पाण्डेले स्वागत मन्तव्य राख्नुभएको थियो ।

कार्यक्रममा साहित्यकारहरू गुरुप्रसाद कुमाल ‘बुलबुल’, विशाल दर्लामी, प्रकाश पाठक, सागर केसी, सीता श्रेष्ठ, कल्पना पौडेल ‘जिज्ञासु’, रामप्रसाद गैरे ‘पाल्पाली’, सुरेशकुमार पाण्डेलगायतले आआफ्ना रचना वाचन गर्नुभएको थियो ।