दिनेश रैदास, दाङ ।
अखिल नेपाल राष्ट्रिय स्वतन्त्र विद्यार्थी युनियन (छैठौं) दाङको १७ औं जिल्ला सम्मेलन आगामी असोज ३ गते हुने भएको छ । सम्मेलन राप्ती गाउँपालिकाकोे भालुबाङमा हुने अखिल (छैठौं) ले जनाएको छ ।

सम्मेलनको मूल नारा ‘वैज्ञानिक तथा रोजगार मुलक शिक्षा आजको अभियान, संघीयता, भ्रष्टाचार र राष्ट्रघात विरुद्ध सत्रौं जिल्ला सम्मेलन !!’ तय गरिएको छ भने केन्द्रीय अध्यक्ष देवेन्द्र पौडेलको आतिथ्यता रहनेछ ।

अखिल (छैठौं) दाङले जिल्ला सम्मेलनको तयारीका क्रममा घोराही उपमहानगरपालिका, राप्ती गाउँपालिका, लमही नगरपालिका, राजपुर र गढवा गाउँपालिकाको भेला सम्पन्न गरेको छ।

अखिल (छैठौं)को राष्ट्रिय सम्मेलन यही असोज १० देखि १२ गते दाङकै सदरमुकाम घोराहीमा हुँदैछ । सम्मेलनको तयारी तीब्ररुपमा भइरहेको अखिल (छैठौं) ले जनाएको छ ।