परासी । नवलपरासी (बर्दघाट सुस्ता पूर्व) मा अखिल नेपाल महिला सङ्घ सुनवल नगर समितिले नगरस्तरीय प्रशिक्षण कार्यक्रम तथा तिजी कार्यक्रम सम्पन्न भएको छ ।
सङ्घकी केन्द्रीय सदस्य सम्झना पौडेलको प्रमुख आतिथ्यमा २०८१ भदौ १५ गते शनिबार उक्त कार्यक्रम सम्पन्न भएको हो ।
प्रमुख अतिथि पौडेलले शुभकामनासहित प्रशिक्षणको क्रममा नेपाली महिला दिदिबहिनीहरूले तिज पर्वलाई चेतना अभिवृद्धि गर्दै परिवार र समाजमा लैङ्गिक विभेदको अन्त्य गर्ने र लैङ्गिक समानता भएको समाज बनाउने माध्यमको रूपमा उपयोग गर्नुपर्ने आवश्यकतामा जोड दिनुभयो । 
कार्यक्रममा राष्ट्रिय जनमोर्चा लुम्बिनी प्रदेश सदस्य तिलकप्रसाद सुवेदी र नेपाल कम्युनिस्ट पार्टी ९मसाल० का जिल्ला प्रवक्ता रेम रानाले पनि प्रशिक्षणात्मक मन्तव्य राख्नुभएको थियो ।
त्यस्तै, कार्यक्रमलाई राजमो जिल्ला अध्यक्ष किसनबहादुर अधिकारी, जिल्ला कोषाध्यक्ष गिरिराज ज्ञावली, जिल्ला समितिका सल्लाहकारहरू धनपति सापकोटा र इन्द्राकुमारी रोकाले पनि मन्तव्य व्यक्त गर्नुभएको थियो ।
नगर अध्यक्ष मनरूपा रानाको अध्यक्षता तथा नगर सचिव यमुना थापाको सञ्चालनमा अघि बढेको उक्त कार्यक्रममा कोषाध्यक्ष सीता अधिकारीले स्वागत मन्तव्य राख्नुभएको थियो ।
