तमघासबजार । अखिल नेपाल शिक्षक सङ्घ गुल्मीको जिल्ला भेला सम्पन्न भएको छ ।
सङ्घका केन्द्रीय उपाध्यक्ष कृष्णप्रसाद आचार्यको प्रमुख आतिथ्यमा २०८१ भदौ १५ गते शनिबार उक्त कार्यक्रम सम्पन्नन भएको हो ।
कार्यक्रममा राष्ट्रिय जनमोर्चाकी केन्द्रीय सदस्य तथा लुम्बिनी प्रदेशसभाकी सांसद तारा थापा, राजमो केन्द्रीय सदस्य रामकुमार क्षेत्री, प्रगतिशील पत्रकार सङ्घका केन्द्रीय सदस्य हरि न्यौपाने, अखिल नेपाल बुद्धजीवी सङ्घका केन्द्रीय सदसय कमल अर्याल, राजमो लुम्बिनी प्रदेश समितिका सदस्य रामेश्वर खत्री, अखिल नेपाल किसान महासङ्घ (अप्फा) का जिल्ला अध्यक्षको आतिथ्य रहेको थियो ।
नित्यानन्द अर्यालको अध्यक्षता तथा कृष्ण ढकालको सञ्चालनमा अघि बढेको उक्त कार्यक्रममा हरिबहादुर श्रीसले स्वागत गर्नुभएको थियो ।
अध्यक्षमा अर्याल
भेलाले नित्यानन्द अर्याल अध्यक्ष रहनुभएको शिक्षक सङ्घको जिल्ला समिति गठन गरेको छ ।
समितिको उपाध्यक्षमा कृष्ण ढकाल, सचिवमा मित्रबहादुर थापा, सहसचिवमा तारा महत र कोषाध्यषमा प्रेम अर्याल रहनुभएको छ ।
समितिको सदस्यहरूमा हरिबहादुर श्रीस, योगेन्द्र काउछा, सोनम न्यौपाने, ओमकला थापा, रेशम रायमाझी, लेखान्त पुन, चूडा ढकाल र डिलबहादुर जिसी रहनुभएको छ ।
