भरतपुर । चितवनमा अखिल नेपाल जनजाति सम्मेलनको प्रथम जिल्ला भेला सम्पन्न भएको छ ।
केन्द्रीय अध्यक्ष निमबहादुर बुढाथोकीको प्रमुख आतिथ्यमा २०८१ भदौ १ गते शनिबार सो कार्यक्रम सम्पन्न भएको हो ।
लालबहादुर थापाको अध्यक्षता तथा जितबाहादुर थापाको सञ्चालन अघि बढेको उक्त कार्यक्रमको विशेष अतिथिमा राष्ट्रिय जनमोर्चाका केन्द्रीय सदस्य डम्बर पुरी र राजेन्द्र ढुङ्गाना हुनुहुन्थ्यो ।
भेलामा अखिल नेपाल ट्रेड युनियन महासङ्घ (अन्टुक) केन्द्रीय सदस्य डम्बरबहादुर केसी, अखिल नेपाल किसान महासङ्घ (अप्फा) का केन्द्रीय सदस्य विष्णु पौडेल, राजमो चितवनका अध्यक्ष अमरबहादुर क्षेत्री, नेकपा (मसाल) चितवनका प्रवक्ता भविश्वर शर्मा, अप्फाका चितवन जिल्ला अध्यक्ष लक्ष्मण चालिसे, अखिल नेपाल बुद्धिजीवी सङ्घका जिल्ला अध्यक्ष ठगराज शर्मा, बुद्धिजीवी सङ्घकै जिल्ला सहसचिव यादवविलास पन्त, अखिल नेपाल महिला सङ्घकी जिल्ला अध्यक्ष बालकुमारी आचार्य र रक्तिम सांस्कृतिक अभियानका जिल्ला सदस्य टिकाराम सुवेदीको पनि आतिथ्य रहेको थियो ।
अध्यक्षमा थापा
भेलाको दोस्रो सेसनमा राजमो केन्द्रीय सदस्य पुरीले जितबहादुर थापा अध्यक्ष रहनुभएको नौ सदस्यीय जनजाति सम्मेलनको चितवन जिल्ला समितिको नामावली प्रस्तुत गर्नुभएको थियो ।
समितिको उपाध्यक्षमा लालबहादुर थापा, सचिवमा टीकाराम राना, सहसचिवमा पदमबहादुर थापा र कोषाध्यक्षमा सूर्यबहादुर थापा रहनुभएको छ ।
त्यस्तै, सदस्यहरूमा जङ्गबहादुर थापा, राजु राना, कुमारी थापा र नरबहादुर छन्त्याल तथा वैकल्पिक सदस्य जसबहादुर थापा रहनुभएको थियो ।
कार्यक्रममा नवनिर्वाचित अध्यक्ष थापाले पद, गोपनीयता र सङ्गठनको विधान तथा घोषणा पत्रको परिधिभित्र रहेर काम गर्ने प्रतिबद्धता जाहेर गर्नुभएको थियो ।
समितिलाई प्रमुख अतिथि बुढाथोकी, कालिदास सुवेदी, गोविन्द विक र विष्णु पौडेलले बधाई दिनुभएको थियो ।
