बुटवल । रुपन्देहीको बुटवल उपमहानगरपालिका वडा नं. २ मा जातीय समता समाजको वडाभेला सम्पन्न भएको छ ।

समाजका जिल्ला अध्यक्ष दिलप्रसाद नेपालीको प्रमुख आतिथ्यमा २०८१ साउन १४ गते सोमबार सो भेला सम्पन्न भएको हो ।

सो अवसरमा राष्ट्रिय जनमोर्चा रुपन्देहीका सचिव कृष्णप्रसाद पोखरेल र अखिल नेपाल जनजाति सम्मेलन रुपन्देहीका सल्लाहकार केशर रानाको पनि आतिथ्य रहेको थियो ।

विष्णु सुनारको अध्यक्षतामा अघि बढेको सो भेलाले नौ पूर्ण र दुई सल्लाहकार गरी ११ सदस्यीय समता समाजको वडा समिति गठन गरेको छ ।

समितिको अध्यक्षमा ललित विक तथा सचिवमा देवकुमार सुनार, सचिवमा अमित दर्जी र कोषाध्यक्षमा देउमाया सुनार रहनुभएको छ ।

त्यस्तै, सदस्यहरूमा अमृता सार्की, पार्वती खाती, डिलकुमारी विक, अनिल सुनार र आशिष नेपाली रहनुभएको छ ।

भेलाले विष्णु सुनार र सूर्य विकलाई सल्लाहकारमा चयन गरेको छ ।