परासी । नवलपरासी (बर्दघाट सुस्ता पश्चिम) को सुनवल–१०मा अखिल नेपाल महिला सङ्घको वडास्तरीय प्रशिक्षण भेला सम्पन्न भएको छ ।
सङ्घकी जिल्ला अध्यक्ष सम्झना पौडेलको प्रमुख आतिथ्यमा २०८१ साउन ५ गते शनिबारका दिन उक्त भेला सम्पन्न भएको हो ।
भेलालाई प्रशिक्षण दिँदै राष्ट्रिय जनमोर्चाका लुम्बिनी प्रदेश समितिका सदस्य तिलकप्रसाद सुवेदीले महिलाहरू जबसम्म राजनीतिमा सकृय सहभागी हुँदैनन्, तबसम्म समाजमा परिवर्तन नहुने धारणा राख्नुभयो ।
उहाँले भन्नुभयो– त्यसकारण समाज र देशको परिवर्तनका लागि महिलाले राजनीति कुरा बुझ्नुपर्छ र सहभागिता जनाउनुपर्छ ।’
अध्यक्षमा थापा
कार्यक्रममा धनमाया थापा अध्यक्ष रहनुभएको अध्यक्षतामा नौ सदस्यीय महिला सङ्घको वडा समिति गठन गरिएको थियो ।
समितिको उपाध्यक्षमा तुलसा थापा, सचिवमा कौसिला थापा, सहसचिवमा यमकला थापा, कोषाध्यक्षमा विष्णु थापा तथा सदस्यहरूमा देउमती थापा, भूमा थापा, जुनमाया थापा र कुमारी थापा रहनुभएको छ ।
