काठमाडौं । साबिक विजेता इंग्ल्यान्डलाई पराजित गर्दै भारत अमेरिका र वेस्ट इन्डिजमा जारी आईसीसी टी२० विश्वकप क्रिकेटको फाइनलमा पुगेको छ।

बिहीबार राति भएको दोस्रो सेमिफाइनलमा भारतसँग इंग्ल्यान्ड ६८ रनले पराजित भएको हो।

प्रोभिडेन्समा भएको खेलमा टस हारेर पहिले ब्याटिङ गरेको भारतले १७२ रनको लक्ष्य दिएको थियो। लक्ष्य पछ्याएको इंग्ल्यान्ड १६.४ ओभरमा १०३ रनमै अलआउट भयो।

योसँगै भारत जारी विश्वकपमा आफ्नो अपराजित लय कायमै राख्न सफल भयो।

इंग्ल्यान्डविरुद्धको जितपछि भारत फाइनलमा पुगेको छ। यसअघि नै अफगानिस्तानलाई हराउँदै फाइनलमा पुगेको दक्षिण अफ्रिकासँग भारतले उपाधिका लागि खेल्नेछ।

फाइनल खेल शनिबार राति सवा ८ बजे बार्बाडोसमा हुनेछ।