काठमाडौं । बंगलादेशसँग २१ रनले पराजित हुँदै नेपाल विश्वकपको यात्राबाट बाहिरिएको छ ।
बंगलादेशले दिएको १ सय ७ रनको सामान्य लक्ष्य पछ्याएको नेपाल ४ बल अगावै ८५ रन बनाउँदा अलआउट भयो।
समूह चरणका तीन खेलमा पराजित भएसँगै नेपालको आईसीसी टी–२० विश्वकपको यात्रा समाप्त भएको हो ।
पहिलो खेलमा नेदरल्यान्ड्ससँग ६ विकेटले पराजित भएको नेपालको श्रीलंकासँगको दोस्रो खेल भने वर्षाका कारण रद्द भएको थियो।
तेस्रो खेलमा नेपाल दक्षिण अफ्रिकासँग १ रनले पराजित भएको थियो।
नेपालविरुद्ध जित हासिल गरेपछि बंगलादेश सुपर ८ मा पुगेको छ। नेपाल रहेको समूहबाट दक्षिण अफ्रिका शीर्ष र बंगलादेश दोस्रो स्थानमा रहँदै सुपर ८ मा पुगेका छन्।
नेपालविरुद्धको जितसँगै बंगलादेशले सन् २००९ पछि सबैभन्दा कम योगफल तयार पारेर पनि जित निकाल्ने टोली बनेको छ।
बंगलादेश अब सुपर ८ मा भारत, अफगानिस्तान, अस्ट्रेलिया रहेको समूह ए मा रहनेछ।
