भालुबाङ । लुम्बिनी प्रदेशमा क्रियाशील छ वामपन्थी पार्टीनिकट किसान सङ्गठन सम्मिलित संयुक्त किसान सङ्घर्ष समिति गठन भएको छ ।
२०८१ जेठ ९ गते बुधबार दाङको भालुबाङमा सम्पन्न संयुक्त भेलाले सो समिति गठन गरेको हो ।
२५ सदस्यीय सो समितिको अध्यक्षमा अखिल नेपाल किसान महासङ्घ (अप्फा) का महासचिव तुलसी सापकोटा चयन हुनुभएको छ ।
समितिमा अप्फाको तर्फबाट शिव पौडेल (कपिलवस्तु), प्रेमनारायण आचार्य (दाङ) र रुकबहादुर पराजुली (रुपन्देही) सदस्य रहनुभएको छ ।
अखिल नेपाल किसान महासङ्घ (क्रान्तिकारी) बाट ऋषिराम रोका (रोल्पा), नारायण भुसाल (कपिलवस्तु), तारा खत्री प्रमेश (बाँके), अमर कुँवर (दाङ) र राधा अधिकारी (प्युठान) सदस्य रहनुभएको छ ।
अखिल नेपाल किसान महासङ्घको तर्फबाट सदस्यमा सुनिता भुसाल (अर्घाखाँची), अग्नि अर्याल (बर्दिया) र अर्जुन अधिकारी (दाङ) रहनुभएको छ ।
क्रान्तिकारी किसान महासङ्घ नेपालको तर्फबाट कमल उप्रेती (कपिलवस्तु), मनबहादुर वली (दाङ), रामचन्द्र पोख्रेल (नवलपरासी) र दानबहादुर (रुपन्देही) सदस्य रहनुभएको छ ।
अखिल नेपाल किसान यूनियनबाट सदस्यमा भरत मल्ल (कपिलवस्तु), पशुपति चौधरी (कपिलवस्तु), बद्रिविशाल यादव (बर्दिया) र भगवती अधिकारी (बाँके) रहनुभएको छ ।
अखिल नेपाल प्रगतिशील किसान सङ्गठनको तर्फबाट कपिल पोखरेल (दाङ), रमेशकुमार आचार्य (कपिलवस्तु), शालिकराम चौधरी (दाङ) र परशुराम पोख्रेल (नवलपरासी) सदस्य रहनुभएको छ ।
