सुर्खेत । रक्तिम सांस्कृतिक अभियानले सञ्चालन गरेको ‘कर्णाली सांस्कृतिक अभियान २०८१’ को पहिलो चरणको कार्यक्रम समापन भएको छ ।
जेठ ८ गते सुर्खेतको वीरेन्द्रनगरस्थित चित्रबहादुर केसी अध्ययन प्रतिस्ठानको सभा हलमा एक कार्यक्रम आयोजना गरी अभियानको समापन गरिएको हो ।
कार्यक्रममा विभिन्न सांस्कृति प्रस्तुतीहरू देखाइएको थियो भने १५ जना कलाकार तथा ६ जना स्वयंसेवकलाई कार्यक्रमका प्रमुख अतिथि राष्ट्रिय जनमोर्चाका उपाध्यक्ष जनकराज शर्माले प्रसंसा पत्र प्रदान गर्नुभयो ।
कार्यक्रमको सञ्चालन रक्तिम सांस्कृतिक अभियानका अध्यक्ष गिरीप्रसाद बुढाले गर्नुभएको थियो ।
राष्ट्रिय जनमोर्चा कर्णाली प्रदेश समितिका अध्यक्ष पूर्णबहादुर शाहीको अध्यक्षतामा सम्पन्न समापन समारोहलाई प्रमुख अतिथि राष्ट्रिय शर्माले सम्बोधन गर्नुभएको थियो ।
यस्तै, राजमो प्रदेश सचिव विष्णु प्रसाद शर्मा, सुर्खेत जिल्ला अध्यक्ष गोविन्दप्रसाद सुवेदी, अखिल नेपाल किसान महासंघ सुर्खेतका प्रेम बहादुर ठाडा, राजमो वीरेन्द्र नगर नगर समितिका अध्यक्ष हिराबहादुर सुनार, अखिल नेपाल जनजाति सम्मेलनका पूर्वकेन्द्रीय सदस्य पिनु थापा लगायत नेताहरूको आतिथ्यता रहेको थियो ।
समापन समारोहअघि रक्तिम सांस्कृतिक अभियानका कलाकारहरूले वीरेन्द्र नगर नगरपालिको बुलबुले कृषि हाटबजार, गोदामलाइन, मुख्यबजार लगायतका स्थानहरूमा सडक सांस्कृतिक कार्यक्रम पनि सञ्चालन गरेका थिए ।
यस्तै, जेठ ७ गतेका पञ्चपुरी नगरपालिकाको दुलाल थाई र बड्डीचौरमा विविध सांस्कृतिक प्रस्तुति देखाइएको थियो । यी दुवै स्थानको कार्यक्रमको सञ्चालन अध्यक्ष गिरीप्रसाद बुढाले गर्नुभएको थियो ।
कर्णाली सांस्कृतिक अभियान कार्यक्रममा राष्ट्रिय जनमोर्चा कर्णाली प्रदेशका अध्यक्ष शाही, प्रदेश सदस्य कटक बहादुर शाही, जनजाति सम्मेलनका पिनु थापा, राष्ट्रिय जनमोर्चा कर्णाली प्रदेश सदस्य धर्मराज उपाध्य, कर्णाली प्रदेश सदस्य पदम सिंह कामी, जिल्ला सदस्य विष्णु बहादुर शाही, राजमो पञ्चपुरी गाउँसमितिका सदस्य शशिराम कँडेल, सदस्य गोविन्द शाही, अखिल नेपाल युवक संघका जिल्ला सदस्य चोहोन मिदुन लगायतका नेता कार्यकर्ताहरूको उपस्थिति रहेको थियो ।
