गुल्मी । गुल्मीको शान्तिपुरस्थित बसपार्कमा आगलागी हुँदा एक जनाको मृत्यु भएको छ । ती नजना घाइते भएका छन् ।
बागलुङको बरेङ गाउँपालिका–३ बाटाकाचौरका वडा अध्यक्ष पूर्ण खनालको घरमा भएको आगलागीबाट छोरा समिर खनालको ज्यान गएको हो ।

वडाध्यक्ष खनालको शान्तिपुरस्थित घरमा सोमबार दिउँसो आगलागी भएको हो । बसपार्कमा रहेको खनाल स्टोर्समा आगलागी हुदाँ वडा अध्यक्ष खनालका कान्छा छोरा १५ वर्षीय समिर खनालको मृत्यु भएको र परिवारका तीन जना घाइते भएका प्रहरीले जनाएको छ । आगलागीको कारण खुल्न सकेको छैन ।

आगलागीले पसलको सबै सामग्री जलेर नष्ट भएको छ । घरबाटै डिजल, पेट्रोलसमेत विक्री गर्दै आएकाले तत्काल आगो नियन्त्रणमा आउन नसकेको प्रहरीले जनाएको छ । घाइते वडाध्यक्ष खनाल र उनकी श्रीमतीलाई उपचारका लागि पाल्पा पठाइएको प्रहरीले जनाएको छ ।