काठमाडौं । कोरोनाभाइरस महामारीबाट नराम्ररी प्रभावित युरोपका तीनवटा देशबाट प्राप्त तथ्यांकमा उक्त भाइरसका कारण त्यहाँ एकै दिनमा मृत्यु हुने मानिसको सङ्ख्या अहिलेसम्मकै उच्च भएको देखिएको छ ।
यूकेमा पनि एकै दिनमा ज्यान गुमाउने बिरामीको सङ्ख्या सर्वाधिक पुगेको छ । आइतवार १४ जनाको मृत्यु भएपछि मृतकको सङ्ख्या ३५ पुगेको छ ।
महामारी नियन्त्रण गर्ने प्रयासस्वरूप युरोपका देशहरूले नागरिकहरूको हिँडडुलमा प्रतिबन्ध लगाएका छन् तथा सीमामा कडाइ गरेका छन् । जर्मनीले सोमवार बिहानदेखि फ्रान्स, स्विट्जरल्यान्ड, अस्ट्रिया, डेनमार्क र लक्सम्बर्गसँगको सीमामा नियन्त्रण गर्न लागेको छ । पोर्चुगलले पनि स्पेनसँगको सीमा बन्द गर्दैछ ।
महामारी नियन्त्रण गर्न स्पेनमा सङ्कटकाल, फ्रान्समा थप प्रतिबन्ध
कोरोनाभाइरस महामारीको केन्द्रबिन्दु अब युरोप चेक सरकारले काममा जान, आवश्यक सामग्री किनमेल गर्न र कसैलाई आकस्मिक रूपमा भेट्नुपरेमा मात्र जान पाइनेगरी आइतवार मध्यरातिदेखि हिँडडुलमा प्रतिबन्ध लगाएको छ। उक्त प्रतिबन्ध मार्च २४ सम्म लागु हुनेछ ।
अस्ट्रियामा पाँच जनाभन्दा बढी मानिस भेला हुन पाउनेछैनन् । रिपब्लिक अफ आयरल्यान्डमा मार्च २९ सम्म सबै मदिरालय बन्द गर्न निर्देशन दिइएको छ ।
युरोपभरि विद्यालयहरू बन्द रहनेछन्।
चीनबाट फैलिएको कोरोनाभाइरस महामारीको केन्द्रबिन्दु अहिले युरोप भएको विश्व स्वास्थ्य सङ्गठनले जनाएको छ। उसले कोभिड–१९ लाई प्यान्डेमिक अर्थात् विश्वव्यापी महामारी घोषणा गरिसकेको छ ।
कोरोना संक्रमणले एकै दिन ५०० जनाको मृत्यु
कोरोना भाइरस संक्रमणका कारण एकै दिन ५ सयभन्दा बढी मानिसको मृत्यु भएको छ । अन्तर्राष्ट्रिय सञ्चारमाध्यमका अनुसार कोरोना संक्रमण फैलिएयता आइतबार एकै दिन सबैभन्दा बढी बिरामीको मृत्यु भएको हो ।
पछिल्लो समय कोरोना भाइरसको महामारीको केन्द्रबिन्दु बनेको युरोपका तीन देशमा मात्रै आइतबार ४७९ जनाको मृत्यु भएको छ ।
कोरोना भाइरसका कारण आइतबार एकै दिन इटालीमा ३६८ जनाको मृत्यु भएको छ। योसँगै इटालीमा कोरोनाका कारण ज्यान गुमाउनेको संख्या १८ सय ९ पुगेको छ।
यस्तै स्पेनमा आइतबार एकै दिन ९७ संक्रमितको मृत्यु भएको छ। योसँगै यहाँ कोरोनाका कारण मृत्यु हुनेको संख्या २८८ पुगेको स्पेनी स्वास्थ्य अधिकारीले जानकारी दिएका छन् ।
यस्तै आइतबारै फ्रान्समा २९ जनाको मृत्यु भएको छ । योसँगै फ्रान्समा कोरोना भाइरसका कारण मृत्यु हुनेको कुल संख्या १२० पुगेको छ ।
यसैगरी बेलायतमा पनि आइतबार एकै दिन १४ जनाको मृत्यु भएको अन्तर्राष्ट्रिय सञ्चारमाध्यमले उल्लेख गरेका छन् ।
इटाली, स्पेन, फ्रान्स र बेलायतमा गरी कोरोना संक्रमणका कारण आइतबार एकै दिन अहिलेसम्मकै धेरै ५ सय ८ जनाको मृत्यु भएको हो ।
बेलायतमा अहिलेसम्म कोरोना भाइरसका कारण ३५ जनाको मृत्यु भइसकेको छ ।
गत डिसेम्बरमा चीनको उहान सहरबाट सुरु भएको कोरोना संक्रमण पछिल्लो समय चीनबाहिरका मुलुकमा तीव्र गतिमा फैलिरहेको छ।
अहिलेसम्म विश्वभर कोरोनाका कारण कूल ६ हजार ६५ जनाको मृत्यु भएको छ। तीमध्ये चीनका मात्रै ३ हजार ८५ जना छन्।
यस्तै विश्वभरमा अहिलेसम्म संक्रमितको संख्या १ लाख ६२ हजार ६८७ पुगेको छ। त्यसमा चीनका मात्रै ८१ हजार ३ जना छन् । (बीबीसीको सहयोगमा)
