दैलेख । वि.स. २०६१ साल भाद्र २२ गते दैलेखको दुल्लुमा तत्कालिन माओवादीले जनमोर्चा नेपाल (हालको राष्ट्रिय जनमोर्चा) माथि भौतिक आक्रमण गर्यो । राजाको निरंकुश शासन र माओवादी ज्यादती विरुद्ध भण्डाफोर गर्न गएका नेता कार्यकर्ताहरु माओवादीको आक्रमणमा परे ।
माओवादीको आक्रमणबाट कैयौं नेता कार्यकर्ताहरु घाइते भएका थिए भने स्थानीय जनता त्रसित बनेका थिए । ‘१२ वर्षपछि खोलो पनि फर्कन्छ’ भन्ने उखान जस्तै घटना भएको १६ वर्षपछि सोही ठाउँका जनताले राष्ट्रिय जनमोर्चालाई भव्य स्वागत गरेका छन् ।
राजमोले सञ्चालन गरेको संगठनात्मक अभियान अन्तर्गत दुल्लुका जनताले राजमोले लिएको नीति तथा सिद्धान्त नै सही भएको निष्कर्षसहित सयौंको संख्यामा सदस्यतासमत लिएका छन् ।
बिहीबार भएको कार्यक्रममा तत्कालिन माओवादी (हालको नेकपा) सहित विभिन्न पार्टी परित्याग गरी दर्जनौं कार्यकर्ता राजमोमा प्रवेश गरेका छन् । तत्कालिन माओवादीको वडा जनसरकार प्रमुख डम्बर बहादुर खड्का र कार्यकर्ता भरत खड्का लगायतका नेता कार्यकर्ता नेकपा परित्याक गरि राजमोमा प्रवेश गरेका हुन् ।
नवप्रवेशीहरुलाई राजमो कर्णालीका अध्यक्ष भरत शाहीले सदस्यता दिएर पार्टीमा स्वागत गर्नुभएको थियो । दुल्लु नगरपालिका राजमोका लागि एतिहासिक र ठाउँ भएकोले यस ठाउँलाइ विशेष ठाउँ मान्दै अब छिट्टै राजमोको नगर भेला गरिने राजमो कर्णाली प्रदेश अध्यक्ष शाहीले जानकारी दिनुभयो ।
संगठनात्मक अभियान अन्तर्गत दैलेखमा दुई टोलीले संगठन बिस्तार अभियानलाई तिब्र पारेका छन् । एक टोलीमा प्रदेश अध्यक्ष शाही, राजमो सल्लाकार समितिका अध्यक्ष पुर्ण बहादुर शाह, मूलप्रवाह अखिल भारत नेपाली एकता समाजका केन्द्रीय सदस्य भिम सह बिष्ट लगायत रहनुभएको छ भने अर्को टोलीमा राजमो दैलेख जिल्ला अध्यक्ष अम्बर बहादुर नेपाली, अखिल नेपाल युवक संघका केन्द्रीय सचिव भक्त बिक र भगवतीमाइ गाउँपालीका अध्यक्ष नरबहादुर सिंह लगायतको टोलीले अभियानलाई तिब्र पारेको छन् ।
यो पनिः
तत्कालिन माओवादीका जिल्ला सदस्य राजमोमा प्रवेश
दैलेखमा उत्साहपुर्ण संगठन निर्माण अभियान
नेकपा नेतासहित दैलेखका दुई गाउँ पुरै राजमोमा प्रवेश
नेविसंघ कोषाध्यक्षको नेतृत्वमा दर्जनौं विद्यार्थी अखिल (छैठौं) प्रवेश
दैलेखी जनतामा राजमो प्रवेशको लहर
