बुटवल । विश्वव्यापी रुपमा फैलिएको कोरोना भाइरसको संक्रमणका आशंकामा बुटवलका एकजना युवालाई अस्पतालमा भर्ना गरिएको छ।

लुम्बिनी प्रादेशिक अस्पतालमा २१ वर्षका एक युवालाई अस्पतालको आइसोलेशन वार्डमा राखेर उपचार भइरहेको लुम्बिनी प्रादेशिक अस्पतालका डा. सुदर्शन थापाले जानकारी दिए । डा. थापालाई प्रदेश ५ को सामाजिक विकास मन्त्रालयले लुम्बिनी प्रादेशिक अस्पतालको फोकल पर्शन तोकेको छ।

उनका अनुसार ती युवामा कोरोना भाईरसको संक्रमणका कारण देखिने लक्षणहरु देखिएका छन्। कडा किसिमको निमोनिया देखिएको छ कोरोना संक्रमणका कारण देखिने लक्षणहरु देखिएका छन् थापाले भने ।

ती युवा केही समयअघि विदेशी नागरिकहरु समेत सहभागी भएको एक तालिममा सहभागी भएका थिए। उनलाई बिहीबार मात्रै अस्पतालमा भर्ना गरिएको हो।