दैलेख । दैलेखमा तत्कालिन नेकपा माओवादीका जिल्ला सदस्यको नेतृत्वमा दर्जनौं व्यक्ति राजमोमा प्रवेश गरेका छन् । भगवतीमाई गाउँपालिका वडा नं ६ सनिगाउँका नेकपा नेता मारूप विकको नेतृत्वमा कार्यकर्ताहरु नेकपा परित्याग गरी राजमोमो प्रवेश गरेका हुन् ।
राजमोले सञ्चालन गरेको संगठनात्मक अभियान अन्तर्गत आयोजित कार्यक्रममा राजमो कर्णाली प्रदेश अध्यक्ष भरतबहादुर शाहीले नवप्रवेशीहरुलाई स्वागत गरी पार्टीको सदस्यता दिनुभएको थियो ।
कार्यक्रममा नेता विकले तत्कालिन नेकपा माओवादी एमालेमा विलय भएको र राजनीतिक, सैद्धान्तिक तथा व्यवहारिक हरेक दृष्टिकोणले स्खलित भइसकेको हुँदा नेकपामा बसिरहन उचित नभएको बताउनुभयो ।
दैलेखको भगवतीमाई गाउँपालिकामा राजमो जिल्ला अध्यक्ष अमर बहादुर नेपालीको नेतृत्व र अखिल नेपाल युवक संघका केन्दीय सचिव भक्त बहादुर बिक, भगवतीमाई गाउँपालिकाका अध्यक्ष नरबहादुर सिंह लगायतको टोलीले सो गाउँपालिकाका विभिन्न वडामा जनभेटघाट तथा सदस्यता वितरण अभियानलाई तिब्रता दिएको छ ।
यो पनिः
दैलेखमा उत्साहपुर्ण संगठन निर्माण अभियान
नेकपा नेतासहित दैलेखका दुई गाउँ पुरै राजमोमा प्रवेश
नेविसंघ कोषाध्यक्षको नेतृत्वमा दर्जनौं विद्यार्थी अखिल (छैठौं) प्रवेश
दैलेखी जनतामा राजमो प्रवेशको लहर
