काठमाडौँ । नेपालले एसिसी इमर्जिङ टिम्स एसिया कपमा सान्त्वना जित हात पारेको छ ।
एसिसी इमर्जिङ टिम्स एसिया कपअन्तर्गत श्रीलङ्कामा जारी खेलमा भुर्तेलको अलराउन्डर प्रदर्शनमा युएई विरुद्ध नेपालले सान्त्वना जित हात पारेको हो ।
समूहको अन्तिम खेलमा २०८० साउन ३ गते बुधबार नेपालले युएई एलाई तीन विकेटले पराजित गरेको छ । युएईले दिएको १५८ रनको सामान्य लक्ष्य नेपालले सात विकेटको क्षतिमा तेइसौँ ओभरमा पूरा गर्यो ।
नेपालको जितमा कुशल भुर्तेलले अलराउन्डर प्रदर्शन गरे । बलिङतर्फ छ विकेट लिएका कुशलले नेपालका तर्फबाट सर्वाधिक ७१ रनसमेत जोडे ।
यसअघि, भारत एसँग नौ विकेटले पराजित भएको नेपाल पाकिस्तानसँग चार विकेटले पराजित भएसँगै अघिल्लो चरणको सम्भावना सकिएको थियो । यो समूहमा नेपालसँग पराजित भएसँगै युएई भने जितविहीन हुँदै घर फर्किएको छ ।
४३ बलको सामना गरेका कुशलले नौ चौका र चार छक्काको मद्दतमा ७१ रनको पारि खेलेका थिए ।
