बेइजिङ । उत्तरपूर्वी चीनको गान्सु प्रान्तस्थित द्रुतमार्गमा जुलाई १७, २०२३ गते बिहान पाँचओटा मोटरकार र तीनओटा ट्रक एकआपसमा ठोक्किदा आठ जनाको मत्यु भएको छ भने पाँच जना गम्भीर घाइते भएका छन् ।
झाङे सहरको सान्दन काउन्टीमा बिहान ११ बजे सो दुर्घटना भएको थियो ।
दुर्घटनामा सबै आठ जनाको घटनास्थलमा नै मृत्यु भएको प्रान्तीय आपतकालीन कार्यालयले जनाएको छ । घाइतेहरूको स्थानीय अस्पतालमा उपचार भइरहेको छ । उद्धारका काम पनि पूरा भएको छ ।
विश्वका अन्य देशको तुलनामा अधिक सवारी दुर्घटना हुने र धेरैले ज्यान गुमाउने गरेकाले चिनियाँ कम्युनिस्ट पार्टीका तत्कालीन महासचिव एवम् राष्ट्रपति हु जिन्ताओले आफ्नै कानुनी व्यवस्था भएका हङकङ र मकाउबाहेक मुख्यभूमिमा लागु हुनेगरी सन् २००४ मा सवारी दुर्घटना नियन्त्रणसम्बन्धी कानुनी घोषणा गर्नुभएको थियो । उक्त कानुनको अक्षरश: पालना नहुँदा चीनमा सडक दुर्घटना बढेको बताइएको छ । (रासस/सिन्ह्वा)
