टेकराज भुसाल, बु्टवल ।
राष्ट्रिय जनमोर्चाले सञ्चालन गरेको विशेष संगठनात्मक अभियान उत्साहजक रुपमा अघि बढेको राजमो रुपन्देहीले जनाएको छ । परिचालन समितिको शनिबार बसेको बैठकले समग्र अभियानको समीक्षा गर्दै अभियान उत्साहप्रद रहेको ठहर गरेको हो ।

परिचालन समितिका संयोजक बद्रे आलमको अध्यक्षतामा विभिन्न नगर तथा गॉउ परिचालन समितिका संयोजकहरू सम्मिलित बैठकले अभियान उत्साहजनक रूपमा अगाडि बढिरहेको र निष्कर्ष निकाल्दै पूर्वनिर्धारित कार्यक्रमलाई केही परिमार्जन गरी फागुण महिना भरी निरन्तर सञ्चालन गर्ने निर्णय गरेको हो ।

रूपन्देहीको विषेश संगठनात्मक अभियानमा ५० प्रतिशत लक्ष्य पुरा भएको बैठकको निष्कर्ष छ । बाँकी लक्ष्य पुरा गर्न स्थानीयतहमा अझ सक्रियताका साथ काम गर्ने सहभागीहरुले प्रतिवद्धता जनाएका छन् ।