उदयपुर । राष्ट्रिय जनमोर्चा उदयपुरले जिल्लाका विभिन्न स्थानीय तहमा धमाधम संगठन विस्तार गरिरहेको छ । राजमोको एक महिने संगठनात्मक अभियान अन्तर्गत जिल्लाका सबै स्थानीय तहमा सदस्यता वितरण तथा घरदैलो अभियान चलिरहेको छ ।
यसैक्रममा गापाली गाउँपालिका र रौतामाईमा राजमोको गाउँसमिति गठन भएको छ । ति दुवै पालिकामा सयौं जनाले राजमोको सदस्यता लिएका छन् ।
गापालीमा सम्पन्न भेलाबाट चन्द्रबहादुर राईको अध्यक्षतामा गाउँ समिति गठन भएको हो । समितिको उपाध्यक्षमा तिलक शेर राई, सचिव केशव खड्का, कोषाध्यक्ष उरारसरी राई तथा सदस्यहरुमा मेनुका खत्री, सुदेश राई र खुशबहादुर राई चयन हुनुभएको छ ।
यस्तै, रौतामाई गाउँपालिकामा भएको भेलाले रुद्र खड्काको अध्यक्षतामा गाउँ समिति चयन गरेको हो । समितिको उपाध्यक्षमा केशव बोहरा, सचिव केशव खड्का र कोषध्यक्षमा पुर्णमाया भुजेल चयन हुनुभएको छ । सदस्यहरुमा मानबहादुर केछाली र रामकुमार खत्री रहनुभएको छ।
ति दुवै भेलामा राजमो नेता लिलकुमार राई र जनजाती नेता राजेश चौधरी उपस्थिति हुनुहुन्थ्यो । उदयपुरमा संगठन निर्माण अभियान उत्साहका साथ अघि बढेको राजमोले जनाएको छ ।
