दाङ । सीमा अतिक्रमण र एमसीसी विरुद्ध फागुन १५ गते (बिहीबार) दाङका तीन स्थानमा विरोध सभा हुने भएको छ । १० दलीय मोर्चाले बिहीबार देशब्यापीरुपमा आयोजना गरेको विरोध प्रदर्शन अन्तर्गत दाङको तुलसीपुर, लमही र भालुवाङमा विरोध सभा हुन लागेको राष्ट्रिय जनमोर्चा दाङका अध्यक्ष गणेश आचार्यले जानकारी दिनुभएको छ ।
आन्दोलनरत राजनीतिक दलहरुको घोराहीमा मंगलबार बसेको जिल्ला स्तरीय बैठकले कार्यक्रम तय गरेको हो । १० दलीय मोर्चाको केन्द्रीय कार्यक्रम अन्तर्गत दाङले पनि सो कार्यक्रमको आयोजना गरेको हो ।
राजमो जिल्ला अध्यक्ष गणेश आचार्यको अध्यक्षतामा भएको बैठकमा नेकपा (मसाल) का जिल्ला प्रवक्ता भरत भण्डारी, नेकपा (क्रान्तिकारी माओवादी) का जिल्ला सचिव रामजी चौधरी, नेकपा (माले)का जिल्ला सचिव नेत्रप्रकाश पाण्डे, देशभक्त जनगणतान्त्रिक मोर्चाका जिल्ला अध्यक्ष नरेन्द्र बन्जाडे लागायतको उपस्थिति रहेको थियोे ।
यो पनि पढ्नुहोस्ः
विद्यार्थी नेताकाे गिरफ्तारीप्रति १० दलको आपत्ति
सीमा अतिक्रमण र एमसीसी विरुद्ध घोराहीमा नौ दलको प्रदर्शन
