टेकराज भुसाल (टेकु)बुटवल ।
राष्टिय जनमोर्चा रुपन्देहीले विशेष संगठनात्मक अभियान सोमबारदेखि सुरु गरेको छ । जिल्लाका सबै पालिकामा अभियानको सुरुवात भएको हो । त्यस क्रममा पहिलो दिनमै एक सय ७६ जनालाई राजमोको सदस्यता वितरण गरिएको छ ।
अभियानका क्रममा बुटवल उपनगरपालिका, तिलोत्तमा नगरपालिका र भैरहवाको गल्लामण्डीमा राजमोको सदस्यता वितरण गरिएको छ । पहिलो दिन कञ्चनमा ४० जनालाई, वुटवलमा २७, तिलोत्तमामा ६७ र भैरहवमा ४२ जनालाई सदस्यता प्रदान गरिएको राजमो रुपन्देहीले जनाएको छ ।
कञ्चन गाऊँपालिकाले भेलाको आयोजना गरी जेष्ठ नागरिक शशिधर पौडेललाई सदस्यता प्रदान गर्नुका साथै सम्मान गरी अभियान शुरू गरेको छ । पौडेललाई राजमो कञ्चन गाउँपालिकाका अध्यक्ष लिलाराम खनालले उहाँलाई सदस्यता प्रदान गर्नु भएको थियो ।
भिम वहादुर सिजापतीको सञ्चालन र कर्णबहादुर थापाको स्वागतबाट अघि बढेको भेलालाई संगठनात्मक अभियानका जिल्ला ईञ्चार्ज चेतनाथ आचार्य, जिल्ला परिचालन समितिका सदस्य चुरामणी शर्मा, मूल प्रवाह अखिल भारत नेपाली एकता समाजका सचिव प्रेम पौडेल र टोली सह संयोजक कपिल पौडेल ले सम्बोधन गर्नु भएको थियो ।
भेलाले कपिल पौडेलको संयोजकत्वमा १५ सदस्यीय मूल परिचालन समिति गठन गरेको छ भने दुई ग्रुप बनाई ५ वटै वडामा सदस्यता अभियान शुरू गरेको छ । अभियान १ नं वडाबाट सुरू भै ५ नं वडामा गै समापन हुनेछ ।
यो पनि पढ्नुहोस्ः
सांगठनिक अभियान सञ्चालन गर्न रुपन्देहीमा तीन टोली गठन
