वीरेन्द्रनगर । सुर्खेतको वीरेन्द्रनगरमा राष्ट्रिय जनमोर्चाको नगर सम्मेलन सम्पन्न भएको छ ।
राजमो कर्णाली प्रदेश समितिका अध्यक्ष पूर्णबहादुर शाहीको प्रमुख आतिथ्यमा २०८० वैशाख २१ गते बिहीबार सो सम्मेलन सम्पन्न भएको हो ।
सम्मेलनले हीरालाल नेपाली अध्यक्ष रहनुभएको नौ पूर्ण र दुई वैकल्पिक गरी ११ सदस्यीय राजमोको नगर समिति चयन गरेको छ ।
समितिको उपाध्यक्षमा भीमबहादुर थापा, सचिवमा हेमराज शर्मा, सहसचिवमा पूर्णप्रसाद तिवारी र कोषाध्यक्षमा राजुकुमारी रहनुभएको छ ।
त्यस्तै, सदस्यहरूमा मणिराम देवकोटा, मीनबहादुर थापा, खड्क विक, प्रतिमा सञ्ज्याल, धर्मा रिजाल र खड्क सार्की रहनुभएको छ ।
सम्मेलनमा राजमो सुर्खेतका अध्यक्ष गोविन्दप्रसाद सुवेदी, अखिल नेपाल बुद्धिजीवी सङ्घका केन्द्रीय सचिव भानुभक्त भारती, बुद्धिजीवी मीनबहादुर थापा, अखिल नेपाल ट्रेड युनियन महासङ्घ (अन्टुक) का केन्द्रीय सदस्य हीरालाल सुनारसमेतको आतिथ्य रहेको थियो ।
विष्णुप्रसाद शर्माको अध्यक्षता तथा हेमराज शर्माले सञ्चालन गर्नुभएको सम्मेलनमा उपस्थित जनसमुदायलाई पूर्णप्रसाद तिवारीले स्वागत गर्नुभएको थियो ।
