शकरप्रसाद पोख्रेल, गुल्मी । राष्ट्रिय जनमोर्चा गुल्मीको संगठनात्मक अभियान बिहीबारदेखी सुरु भएको छ। जिल्लामा दुई टोली बनाएर अभियान अगाडि बढेको राजमो गुल्मीले जनाएको छ।
आज धुर्कोट गाउँपालिकाको वडा न.३ हाडहाडेबाट राष्ट्रिय जनमोर्चा गुल्मीका सचिव तथा संगठनात्मक अभियानका इन्चार्ज छबिलाल सर्तुङ्गगिले जित बहादुर छ्न्त्याललाई राष्ट्रिय जनमोर्चाको सदस्यता दिएर अभियानको सुरुबात गर्नुभएको थियो । अभियानमा टोली नम्बर २ का इन्चार्ज चिन्तामणि भट्टराई र धन बहादुर थापाको पनि उपस्थिति रहेको थियो।
टोली नम्बर १ को अभियान कालीगण्डकी गाउँपालिकाको हिलेबाट अगाडि बढेको छ । टोलि नम्बर १ का इन्चार्ज टेक बहादुर केसीको अगुवाईमा कार्यक्रम सञ्चालन भएको थियो ।
कार्यक्रमको सञ्चालन गंगा केसी,अध्यक्षता बिनोद गिरि र स्वागत राजु थापाले गर्नुभएको थियो । कार्यक्रममा राजमो नेताहरु टेक बहादुर केसी, गुमानसिंह पुन, मूल प्रवाह अखिल भारत नेपाली एकताका समाजका नेता राम कुमार क्षेत्री, भिम बहादुर थापाको समेत उपस्तिथि रहेको थियो ।
पहिलो सदस्यता बिनोद गिरिलाई दिएर प्रमुख अथिति टेक बहादुर केसीले कार्यक्रमको उद्घाटन गर्नुभएको थियो ।
