नवराज पौडेल, कपिलवस्तु । तराई मधेश जनवादी मोर्चाले सञ्चालन गरेको जागरण अभियान अन्तर्गत आइतबार कपिलवस्तुको शिबराज नगर पालिका वडा नम्बर ४ मा भेला सम्पन्न भएको छ । भेलाले श्याम मोहन केवटको अध्यक्षतामा ९ सदस्यीय शिवराज नगर समिति गठन गरेको छ ।
समितिको उपाध्यक्षमा मोहन चौधरी, सचिव राम बहादुर चमार र कोषाध्यक्षमा राम देव कुर्मी रहनुभएको छ । सदस्यहरुमा अनवर मुसलमान, बाबुराम बढई, नाथु राम थारु रहनु भएको छ भने कर्मराज चौधरी र कन्हैयालाल मुराउ सल्लाहकारमा चयन हुनुभएको छ ।
कार्यक्रमलाई सम्बोधन गर्दै अखिल नेपाल किसान संघका केन्द्रीय सदस्य कर्मराच चौधरीले भुमीपुत्र भनि चिनिने थारु समुदाय भुमिहीन भईरहेको उल्लेख गर्दै व्यवस्था परिवर्तनका लागि लड्दै आएपनि आफूले आफैँलाई चिन्न नसक्दा पछाडी पारिएको बताउनु भयो ।
यस्तै, अखिल नेपाल ट्रेड युनियन महासंघ (अन्टुक) का केन्द्रीय सदस्य केयर सिंह अदैले मध्यम वर्गीय किसानले पुँजीपति वर्गलाई भगवान ठान्ने प्रवृत्तिले गर्दा समाज परिवर्तन हुन नसकेको बताउँदै सत्तामा पुगेका पार्टीले गरिब किसानको पक्षमा काम गर्न नसकेको आरोप लगाउनु भयो ।
कार्यक्रमलाई राष्ट्रिय चनमोर्चाका प्रतिनिधी छन्द बहादुर केसी लगायतका नेताहरुले सम्बोधन गर्नु भएको थियो । राम बहादुर चमारको सञ्चालन र मोहन चौधरीको स्वागत मन्तव्यमा कार्यक्रम सम्पन्न भएको थियो ।
कपिलवस्तुमा माघ २२ गते देखि सुरु भएको जागरण अभियान विभिन्न स्थानमा जन जागरण कार्यक्रम गर्नुका साथै संगठन निर्माण गर्दै अघि बढिरहेको छ ।
